3年後，我再試Link the Bike
為避開猛烈陽光，昨天星期日4點去到太和客服，上次我借一架，今次有人陪我表明來意要借2架單車，同上次一樣我都是首位借用單車人仕(宣傳不足?)，客服們都雞手鴨脚地討論做法，例如到底應填1張表或是2張表，我說1個人借2架車當然是填1張表啦，今次2016版本Link The Bike改善了很多 :
(1) 即日購物$50一架，最多$200四架 全日10:00-18:00 (上次$300一架3小時)
(2) 按金 $500一架 (上次$2000一架)
辨完借車手續，我以為係橙色木櫃攞車，原來D車擺左去貯物室(前議員辦公室現吉)，跟住阿姐影相為記。
跟住臨走前，我期望阿姐同我講"玩得開心D"，但現實版阿姐話 : "出面咁熱踩單車有乜好玩" 我唯有O咀苦笑。
照片紀錄
 |
| 呢個關係吉柜 |
又係噃，「出面咁熱踩單車有乜好玩」，阿姐好體貼，哈哈哈~
回覆刪除港島東的場，好日都唔發市，已經取消咗服務
刪除不過人地開開心心，阿姐有小小倒米:(
刪除新界東單車服務普遍D，可能再試行下
仲以為呢個promotion已經無左
刪除今個7月起再推出
刪除天水圍、屯門都冇
刪除講開又講，商場單車泊車服務普遍嗎？見過某Ｄ商場都係響外圍某Ｄ唔起眼地方整Ｄ單車泊位，Ｄ人好似求其塞入去咁
回覆刪除大埔單事只係通街泊，商場冇特定位
刪除新達、大埔超級城果D呢？在下只係響少數商場（如將軍澳中心）見過有單車泊位
刪除好少商場會提供單車停泊設施
比住客就有，應該冇單車位比商場客
刪除又唔係響屋苑閘後區域，邊個知係咪住客呢
刪除借單車$500按金一架，可以碌信用卡或俾現金！
回覆刪除唔見咗單車賠$5000、車架損毀賠$2000、其他輕微損毀(如單車鏈)賠$300！
所以我建議大家小心慢慢踩，單車一定要跟身！
另外，領展喺第三季仲會搞美食單車遊，大家可以消費換飛組隊報名參加呀！
我平時喺禾輋廣場借，2個客務員都十分熟悉借用程序，其他商場就唔敢包啦，所以希望版友門可以化身成為神秘顧客，組隊去哂7個商場親身體驗客務員借用單車服務的質素和水平，積極向領展反映！
同意呀，畀ＣＳ阿姐熟習下借車流程都是好事，唔使佢地雞手鴨腳，論論盡盡咁失禮
刪除我睇真D還車可以7點前，但借車就6點前
刪除