2016年1月14日 星期四

領展的企業健康指數

雖然我不同意維他奶91分高于領展72分 ,但多謝鍾可成先生用寶貴時間從不同角度分析領展的企業健康指數,仍然是很有參考價值。

==================
領展振翅擴領域  京港高飛拓商機
January 13, 2016 【達人專欄】 鍾可成



業績短評
領展(前稱「領匯」)是亞洲最大及全球以零售為主最大型的房地產投資信託基金之一,其零售設施以提供附近居民日常所需為主。旗下物業組合包括內部樓面面積約1,100 萬平方呎之零售物業及約76,000個泊車位等。截至2015年9月30日,領展的投資物業組合估值達1,544億港元。自從2005年上市以來,領展的管理層不遺餘力地致力提升旗下物業的價值及基金單位持有人的回報。在2014/15年度,領展的業績無論在物業收益、淨收益、利潤、單位持有人應佔利潤、每單位盈利以及股息都有長足的增長(見下表),而股息更連續五年持續增長。2014年,領展被納入為恒生指數成份股、富時社會責任指數成份股及道瓊斯可持續發展亞太指數成份股,並於2015年獲納入恒生綜合大型股指數成份股,成績有目共睹。

企業健康指數

領展的企業健康指數得72分,成績理想,健康狀況是身壯力健,級別屬於良。從領展的企業健康分析圖(下圖)可見,十項企業健康指標中領展的持續發展力全取10分,表現最為理想,另外有五項指標取得9分的佳績,唯盈利素質和重大不明朗因素得分稍遜。

每項指標的得分及評語如下 ......評細分析按此連結



44 則留言:

  1. 個人覺得豆奶太貴!我多年前(4,5蚊)買,覺得佢應該值7,8 蚊。點知道佢一直升過10蚊冇回頭! 都係823好,俾我多D時間慢慢收集。

    回覆刪除
    回覆
    1. 我都有興趣投資維他奶 但現價實在唔值得買 反而領展我相信管理人有能力保持10%以上DPU 增長,領展的價值比依家$45高好多,抵買

      以上純屬個人意見

      刪除
    2. 個人認為還可以收集的好東西是AIA, 維他奶就算了

      刪除
    3. AIA好得意,股價同領展好似2兄弟,我係手機app將佢2個擺埋一齊睇,有時LINK嬴,有時又AIA嬴,市好時AIA高過LINK ,但市弱時LINK就高過AIA

      刪除
    4. 咁AIA好多資產都係同股市有關, 雖則佢都有唔少磚頭...

      刪除
    5. 計埋股息,睇總回報 (AIA只有1。2%股息率),高下立見。

      刪除
    6. 保險同收租都係低風險行業

      刪除
    7. 但保險公司會手痕買股票,所以市好買保險股通常都好,市弱就收租好D

      刪除
  2. 企業社會責任有9分!!! 我強力要求管理人減少為"企業社會責任"付出嘅代價,以增加盈利!

    回覆刪除
  3. 呢頭有人話領展冇社會責任,果頭就有人畀9分,真係好好笑
    另外其實有D社會責任係唔使錢嘅,例如叫員工做義工

    回覆刪除
    回覆
    1. 哈哈! 我公司都有咁做,真係"狗"咗小小。 :D

      刪除
    2. 都唔可以咁講,不是沒有成本的,以我經驗為例,我參加米埔濕地保育除草義工,公司租左架旅遊巴,每人一件公司logo T shirt,用下午工作時間,加埋都唔小錢架

      刪除
    3. 但好多公司都係要你星期六日非工作時間去做義工呢

      刪除
  4. 不過睇內文,覺得佢由年報度分析,似乎有D紙上談兵嘅感覺,例如盈利質素(在下睇唔慣「素質」二字)以剛過去一年數字做評價,而償債能力就忽略可以靠賣資產還債。重大不明朗因素中質疑投資物業嘅公平價值估值點解唔係用市值估算,但佢唔知商場唔同住宅,成交量少好多,唔計劏場同地舖全香港一年都唔知有冇十單交易,除非領展走去拎D商場出嚟賣,否則好難搵到市值。社會責任太高(雖然我唔贊同某人嘅大部分言論,但平心而言佢都有D嘢值得深思嘅),如果根據在下寫嘅文章(http://jpoon9394.blogspot.hk/2012/09/blog-post.html),領展響第2、3、4、6都做得好差下

    回覆刪除
    回覆
    1. 追影族好勁呀,你2年幾前已經玩社會責任。
      鐘先生係用同一把尺比較企業,大家都有各自道理。
      所以領展要賣場自己創立市場價。

      刪除
    2. 果陣見領展畀人嘈冇社會責任,咪研究下商場點樣履行社會責任囉,不過果陣睇到嘅嘢到而家都仲未見到領展有大改善

      刪除
    3. 問心講,就算係從一個End-user的角度看,O2也不覺得領展的企業社會責任做得比其他商場擁有者遜色

      刪除
  5. 領展係「富時社會責任指數」成員,唔知呢個指數有冇認受性嘅呢?

    回覆刪除
    回覆
    1. 呢個直情係國際標準啦

      刪除
    2. 領展有咩社會責任? 富時知唔知有幾多人係反對領展?
      逼死租戶, 關閉街市, 引入連鎖店都叫做有社會責任?

      刪除
    3. 領展將有香港市民支持嘅大排檔拆走不特只,仲要租戶俾清拆費,原全講唔到有社會責任!

      http://nextplus.nextmedia.com/news/latest/20160115/335259

      刪除
    4. 租戶負責還原舖位的費用,正常

      刪除
    5. 但呢個case係逼遷,人哋有心做落去點解唔俾人做?

      刪除
    6. 租約到期就係完結雙方的合約,何來逼遷???

      刪除
  6. 人哋做咗20年,無啦啦唔俾人做,唔係逼遷係乜?

    回覆刪除
    回覆
    1. 租咗20年就等如可以租一世???

      刪除
    2. 喺未有領展,不嬲如果原租戶無遲交租,應該租返俾原本嗰個,咁就可以產生多個經典老舖

      假設你係租客,都唔想租租下又要搬,浪費裝修費,又要老顧客重新搵返你,新顧客想幫襯又要周圍搵

      刪除
    3. 就係因為公務員因循,營運不善,才導致要將公屋商場打包套現。時光倒流,如果房署做得好D,就唔使賣咗D商場,唔使搞到今時今日咁,搞到你人都癲

      刪除
    4. Chi Ho Fung你錯了,房署年代,就算成日欠租,仲有成日將貨物佔用公眾地方,只要響續約前執返好就可以續約

      刪除
    5. 追影族, 呢D 先係屋邨商場特色... 你以為行緊海港城 太古廣場?
      佔用公眾地方只要無阻塞走火通道, 街市佔多少少俾人做下生意有咩問題?

      刪除
    6. 你行過幾多街市?以前好多連樓梯都放埋嘢,仲唔係阻塞走火通道?街市走廊設計係計算過可以容納同疏散幾多人,擅自霸佔通道,係會影響疏散效果,有事上嚟係會令顧客同街市職員走唔切嘅,你自己去睇下消防署果D短片,睇下人哋係咪只係針對走火通道
      仲有就係好多街市檔會將貨物雜物放舖頂,遮擋花灑頭,亦有檔戶會將雜物放響設施房外,阻礙抄錶、維修
      唔知閣下屋企係咪亂七八糟,仲將雜物放埋響門外呢?
      另外租約條款規定唔可以佔用公眾地方,在下響房署擁用商場年代都出唔少信畀檔戶,又影埋相畀房署,但最後都係由老細警告了事,房署都冇乜點做過嘢,反而房署班友帶隊巡街市,見到咁多違規就入晒敝公司數

      刪除
    7. 作者已經移除這則留言。

      刪除
    8. 已經唔講因為違規擺放整親人嘅責任誰屬問題,自己上網搵下案例睇下啦

      刪除
  7. (1)租客無限任續租,呢個唔係必然,如果係咁樣,世界會停頓,因為無競爭,商場會僵化變死場,得番D那些年朋友在影相
    (2)舊領展冬菇大排檔,大部份都有大量非法房署前朝潛建,在店外加上蓋加枱,可以說全部都是租客自行非法發水,領展只是因應反對者指控,回復原狀地積比率,誰非法興建潛建物,誰負責還原,要付10數萬怪得了誰,絕對合理。

    回覆刪除
    回覆
    1. (1) 百年老舖點得嚟, 就要靠業主續租。人哋裝修係要$, 下下俾人經營兩三年又唔租, 原本租戶就要搵地方搬, 又要另外俾一筆裝修費... 領匯果時都識得「尋味時光」啦..

      所以如果優先續租俾原租戶, 就可以成就D 百年老店。如果咁啱租俾D好食既餐廳, D 居民都會樂意長期光顧... 下下搵屋搬你知唔知幾困難? 但如果領展見人哋好食多人幫襯就加人好多租, 人哋都未必可以長期經營落去, 損失既係街坊同經營者。

      (2)舊既大排檔依然有好多支持者, 並無因為時代既進步俾人唾棄。喺戶外食不知幾滋味。唔係個個都鍾意去cafe 1950 既。

      但領展一廂情願要人縮減面積 同將冬菇亭變餐廳, 漠視呢D人既需要
      http://orientaldaily.on.cc/cnt/news/20110304/photo/0304-00196-001b1.jpg
      領展管理層個個中產人士, 坐房嘆冷氣, 係唔識香港情懷架啦!

      刪除
    2. http://hk.apple.nextmedia.com/supplement/special/art/20160225/19503939?_ga=1.124728522.1152234395.1456357126

      好似呢間老舖可以屹立到30年, 不存在「世界會停頓」呢個問題...
      呢D人情味, 領展入場後, 係唔可以搵到

      刪除
    3. 有時理想同現實是要有取捨的,保育工作就唯有交給政府了

      刪除
    4. 靠政府?!唔係卦?政府識條鐵咩
      皇后碼頭拆咗,1881變成奢侈品店,佢除咗識外判仲識乜

      刪除