領匯直播室 : 壹週刊賣商場車位專題 20150124

睇完壹週刊領匯賣商場車位專題，發覺領匯同代理第一太平戴維斯在處理賣場招標上做得好好，賣場唔係所有人都比標書，先作事先篩選，否則租約租金表都比報紙佬扮入標睇晒，好似大班搵人橫手假裝入標，實攞材料攻擊領匯。

買豪宅商場兼進軍內地 領匯變地產霸權

領匯上市十年，由一間專營本地公屋商場及停車場的管理公司，變成另一個地產霸權，既坐擁有過百個收租物業，又投資物業，更進軍內地市場。去年八月，證監會批准REITs可以擴大投資範圍至投資發展中物業、可以發展物業、亦可以投資REITs的股票等金融產品。改革變相令領匯都變成地產商，去年九月領匯投標地鐵在大圍站的鐵路物業發展。

另外，領匯又透過修改契約，不斷擴大投資範圍至內地，去年底就收購萬科在深圳龍崗萬科廣場的八成權益。一一年領匯先後掃入南豐旗下的將軍澳南豐廣場，及信置海悅豪園商場，去年八月又一邊賣走次等的屋村商場，一邊豪擲近十四億元收購嘉里旗下現崇山商場，升呢轉攻中產客。「領匯係全港最大地產基金，旗下商場佔香港零售面積百分之二十多，仲霸權過任何霸權。由物業管理人，變成發展商，意義已經變節，我都唔知政府玩乜。」鄭經瀚說。

領匯賤賣資產益炒家　鄭經瀚：大陰謀！

去年領匯透過私人招標形式，成功出售九個房委員商場，但招標過程完全不透明，要取得標書先要經過審查，有人無故被拒。本刊最近收到讀者兩封電郵文件，內容顯示一個有意入標領匯商場的投資者，向負責銷售的獨家代理、第一太平戴維斯，要求查看標書被拒，又沒有解釋原因。○五年大力反對領匯上市的前立法會議員鄭經瀚指，曾計劃與朋友合資去投標，但同樣不得要領。

領匯一方面向傳媒放風指，為免外資基金及發展商短炒，影響民生及商戶，不接受他們入標，但轉身將六個都賣給資深炒家林子峰。鄭經瀚質疑領匯賤賣資產，「林子峰賣車位咁好賺，點解領匯唔自己賣呀？以前我地話政府賤賣資產給領匯，宜家最好笑係領匯賤賣資產給炒家。」他擔心領匯是想藉炒家拆售車位去試水溫，「領匯自己唔拆得呀嘛，宜家拆會引起好大回響，咁咪由炒家去拆，睇得得唔得，得咪之後自己拆囉。」

盧婆婆出山鬧爆領匯 「做到我哋仆街」

反對領匯上市的盧少蘭婆婆，零四年代表公屋入稟高等法院，「睇死」領匯立心不良，阻止房委會向領匯出售資產。盧婆婆爆粗大罵領匯和高官，「寸嘴」形象深入民心，即使面對傳媒、投資者窮追猛打，直言「我冇壓力喎」，又不時爆出「搵阿董建華，敲佢個老虎頭」等金句。 上週五，記者去到盧婆婆住所，七十八歲的她，聽到領匯賤賣資產，又再忍不住破口大罵：「領匯衰格！(啲人)陰公咯！我之前都話領匯衰，啲人話我阻人發達，現在就辛苦咗我哋！」說到以前阻止領匯上市時，盧婆婆表示：「大家有眼睇，我住公屋，又冇發達，領匯就發啦！點解啲人唔信我呢？」