.jpg)
//發CB作再融資嘅財務效益未必太大，反而令市場擔心換股後出現攤薄效應，令股價今朝受壓。市場亦憂慮，領展嘅內地業務下半年會受內地疫情再升溫影響//
link仔覺得既然D息貴並有可能繼續上升，而且明年3月年結會有31億元債到期，發33億CB對沖還左先無壞，又可鎖定4.5厘，唔使諗升跌有數圍，但比之前平均財務成本比率2.5%高，市場唔高興，但美國加息是現實，唯有揾方法解決。62元是買賣雙方討價還價的結果，我覺得可以接受。
//領展表示，加息情況下，為保障資產負債表規模，現時不考慮任何大型收購，並謹慎、選擇性地等待重新定價，以及在困境中浮現的收購機會。日後可能考慮與投資夥伴合作收購，管理好加息對資產負債表帶來的壓力。資本伙伴合作的含義，並不一定只是合作收購，反而可以出售手上項目，改與該等伙伴合作，領展繼續為有關項目提供管理。//
link仔覺得宜家高息買大型物業有風險，除非真係筍野。仲有係轉新思維用資本伙伴合作，部份減持物業，套現減債都可以係出路
//觀塘安達臣道第1077號商業用地，以2.96億元批予新地，每呎樓面地價僅2684元，區內首幅商業地，由領展（0823）於今年8月以7.66億元投得，每方呎樓面地價5501元，換言之新地中標呎價，較3個月前大跌51%//
link仔覺得果幾億地價上落是小問題，有人話領展做左傻仔，但無人有水晶球，唯有當係一個投地經驗啦，好似彌敦道700號回報麻麻地，衰左就當買個教訓。
關於以股代息點樣揀，領展宜家有6厘息，我攞D現金息又冇特別用途，不如要股有6厘息，當支持一下公司 :)
>>發行價相等於基金單位由2022年11月25日起連續十個營業日之成交量加權平均收市價折讓3.5%
