街市租上租

2011年東方日報提到食環署同領匯唔積極改善管理街市質素，宜家2016年領展在積極改善街市中，那食環署你呢？

============
街市租上租 管理弊中弊

2011年11月24日  orientaldaily.on.cc

街市租上租  (2011年11月24日)

提到街市，相信係好多香港人嘅集體回憶。有冇被活魚擺尾嘅池水濺過呀？有冇被生劏田雞嘅場面嚇親呀？有冇被以貌取人嘅大嬸呃秤呀？逛街市真係好好玩o架，簡直係成長過程必不可少嘅人生閱歷。

之但係咁，今時今日家庭主婦嬌生慣養，未必會鍾情於濕納納又亂糟糟嘅街市，寧願幫襯乾乾淨淨嘅超級市場。於是乎咯喎，傳統街市日漸式微。

呢嗱嗱嗱，公眾街市開始出現怪現象，不少檔主私下轉租甚至轉讓。本報記者發現部分街市檔口租戶公然違規刊登廣告，屯門良景街市、沙田沙角邨街市以及黃大仙牛池灣街市都有類似轉租情況。好似牛池灣街市咁吖，一名魚檔檔主係咁講嘅：「檔口月租六千三蚊，你以後向食環署交租就得，之後每月畀四千蚊我當『茶錢』，夾埋都係一萬零三百蚊。」對方仲話：「畀人查起上嚟，你都唔使驚，話你係我夥計，佢就奈我哋唔何。」至於領匯負責管理嘅良景邨街市，一名豆腐檔女檔主透露，自從刊登廣告轉讓檔口之後，兩日有五人議價。

點解會咁嘅呢？港九新界販商社團聯合會主席鄭素娥就話嘞，估計事件同街市生意差有關，檔主為求甩身而不惜違規辦事。雖然呢家嘢就算被揭發都唔使坐監，不過都有相當大風險o架，不但檔口隨時會被收回，萬一租上租嘅經營者做嘅係非法勾當，原檔主亦有機會惹禍上身。

講到呢度，功夫茶必須補充一點，公眾街市檔口一般以競投方式出租，合約為期三年。換言之，如果生意真係差到冇朋友，檔主都要夾硬死頂三年。所以咯喎，生意差係導致租上租嘅原因之一，減輕損失吖嘛。

好嘞，回歸最基本問題，點解公眾街市吸引唔到顧客嘅呢？答案可以透過近年來連番開炮嘅審計署得到靈感：食環署管理不善！

喂，公眾街市真係幾趕客o架，濕納納係一個問題，亂糟糟係一個問題，空氣唔流通都算嘞，仲有一家嘢係吸引唔到顧客嘅致命傷。你知啦，新一代美女廚神只係鍾意買餸而唔鍾意做一個身水身汗嘅搬運工人，公眾街市不設送貨服務，你話係咪將顧客趕咗去超級市場吖？

所以話啫，街市租上租，管理弊中弊，如果食環署同領匯唔積極改善管理質素，即使租上租都係拍烏蠅o架咋！

============

最少2200街市租戶違規 檔位分租可自首洗底

2009年10月09日

【本報訊】食物環境衞生署曾被審計署批評管理街市不善。政府消息指，估計最少2,200個檔位有違例分租，該署正研究分租的「洗底計劃」，分租戶可在限期前「自首」，署方查證後會取消原來檔位持牌人的租約，用市值租金將檔位重新租予分租戶。有商販團體贊成做法。　記者：陳沛冰

食環署現時租出約1.1萬個街市檔位。消息指，政府從商販團體了解，有兩至三成，即約2,200至3,400個檔位有分租，舊區街市較嚴重。該署正就調整街市租金進行諮詢的同時，希望將分租問題撥亂反正。

消息指，食環署正研究分租的洗底計劃，讓分租戶在某個限期前自首，署方查證屬實，會取消原來檔位持牌人的租約，再以市值租金將檔位重新租予分租戶，令分租戶可明正言順做檔位持牌人。

若查出可除牌

消息指，洗底計劃是一次性，現時街市檔位租約並非世襲，若該署發現違規分租，可吊銷持牌人牌照，收回檔位，分租戶亦不能繼續經營。政府相信計劃可誘使分租戶自首，因分租戶可繼續在原檔位經營，續做熟客生意。

消息指，自首限期過後，食環署會嚴打違例分租，除吊銷檔位持牌人的牌照外，亦會考慮是否對分租戶加重懲處，如短期內不可競投食環署街市檔位。署方會諮詢商販意見，再決定是否落實計劃，12月向立法會滙報。若立法會同意，明年可執行。

有業界人士指，街市檔位分租問題頗嚴重，如牛池灣街市便有人租上租。曾有一個街市檔位原來月租約112元，但持牌人開價月租2,600元，較原來租金高22倍。

港九新界販商社團聯合會副主席黃超然表示，現時很多分租情況，是檔位持牌人年邁無力經營後，將檔位交予登記助手經營，令他們不需失業。他認為在持牌人的同意下，食環署應該將牌照轉予登記助手。