2016年6月15日 星期三

隆亨市集M.C. BOX 開張了

又一漂亮整潔的領展街市開張了,大圍 M.C. BOX 隆亨市集  裏面個賣通粉檔好得意,8蚊半斤任你玩,我放假要去玩下,未去前睇下2位網友隆亨巡視紀錄O2翻新前Alex Ho翻新後既分別啦 :D



方國珊好似好鐘意M.C.Box 呀



肥媽隆亨買和牛

潮爆木箱 買餸遊樂園  on.cc

O2 Blog  [領展商場] 隆亨商場 @2015-08-22
Alex Ho Photos : 隆亨街市M.C.Box 正式開張
開拓新客户群  (隆亨市集FB照片)

85 則留言:

  1. 個通粉檔我都曾經經過 不過冇考究係咩黎 下次巡場要細心d先:D

    回覆刪除
  2. 呢兩晚都有去行M.C.Box, 7點鐘左右都仲好熱鬧。依家多咗好多嘢賣,真係唔錯。老爸好開心話可以涼住冷氣買餸,同埋終於可以喺隆亨街市買齊餸,唔使大熱天時走出去大圍街市。

    回覆刪除
    回覆
    1. 想訪問世伯有冇因為個隆亨舊街市冇左而唔高興,特別係以前D檔主唔同左,同埋有冇覺得被壟斷使購物選擇小左呢?

      刪除
    2. 老爸不知幾喜歡個新街市,佢仲話依家貨品種類多咗,通道闊落咗,乾淨整齊,行得舒服。佢話依家多咗新面孔,服務態度比較殷勤同比以前更有朝氣喎。暫時佢最唔滿意係申請會員證要俾廿元,佢話好心領展大方d,新張期內免費贈送會員證或者購物滿某價錢可以免費換會員證喎。

      刪除
    3. 舊街市運作,服務態度真係唔使講了,轉換新承租商,一定以客户為先,爭取重覆光顧習慣。
      果20蚊唔係領展收,應該係承租商建華收作為拍咭儲分系統成本

      刪除
    4. Link仔哥,係我地至會分得咁清啫,若果以一般消費者的角度,人地理得你嗰$20係領展還是建華收呢,一定係話領展收架啦

      另外想分享下,以小西灣本灣市場的經驗,入會時會送番總值$20的街市檔戶coupon,抵銷番入會費,但有樣野唔同,就係M.C.BOX唔一定要用八達通登記,可以另發會員卡,可能因為咁而增加咗成本,所以唔玩回贈coupon都未定,我估

      刪除
    5. 你講得對,因為街市門口冇寫外判,一般人好難分
      以前太和街市回贈,其實好難用,$2x10張不同檔口,還要買滿$10才可用1張,同冇coupon差不受

      刪除
    6. 其實收$20行政費可視作誠意金,只要該顧客長期幫襯儲積分,就一定回到本,反而免入會費亂咁送,未必最有效,例如,O2由柴灣去M.C.BOX湊一次熱鬧,取了會員卡後,都唔知要等幾耐至回頭

      刪除
    7. 同意長期幫襯可以回本,所以我申請咗張會員咭比老爸用,等佢買餸之餘可以玩埋儲分。

      刪除
    8. 多謝多謝,也感謝世伯以行動支持M.C.BOX ^^

      刪除
    9. M.C.BOX未開張前2星期,佢地有幾個工作人員日日喺天橋底近80K新翠巴士總站擺街站,邀請街坊即場登記填表入會,當時每種會員卡收$10入會費(加註八達通/實物會員卡),2種會員卡都要就收$20,加送$20優惠券(10張不同商戶$2優惠券,仲要買滿$20先用得),不過最後我都申請哂2款會員卡

      刪除
  3. 其實街市有冷氣真係好重要,顧客行得舒服,逗留時間會長咗,對檔戶的營業額有幫助

    回覆刪除
    回覆
    1. 同意。就我觀察所得,應該多咗唔少白領客放工後去M.C. Box買餸。

      刪除
    2. 開拓左新客群又保留到舊客群,証明附近有好多潛在客群 只係因為購物環境唔夠舒服而去左其他地方。購物環境舒服滿足到顧客要求。

      刪除
    3. 白領部份可能系來自名城同村屋,佢地以前去大圍街市

      刪除
    4. 隆亨商場AEI 後可能吸引到佢地嚟消費 不過隆亨商場設計上有個缺點 就係開放式設計 冇冷氣

      刪除
    5. 新翠商場都冇冷氣,想歎冷氣就要入舖頭

      刪除
    6. 請問隆亨商場AEI的工程會加裝冷氣嗎?

      刪除
    7. 好大工程播,要起好多牆

      刪除
    8. 我諗機會唔大 Capex 得8千萬 新翠都係五千萬 計埋通漲 我諗同新翠AEI既規模差唔多

      刪除
    9. 好耐之前有領展高管解釋過,旗下的商場加裝冷氣與否,要睇埋周邊的地理因素

      刪除
    10. 係,如果使太多錢就唔值,除非好似赤柱大場就考慮

      刪除
    11. 赤柱更加唔應該裝冷氣,去得赤柱梗係要享受天然風啦

      刪除
    12. 其實係逐個場/地點睇,再計下手上銀兩同冷氣費才决定

      刪除
    13. 作者已經移除這則留言。

      刪除
    14. 當年樂富a區都係冇冷氣嘅
      其實裝唔裝冷氣要睇好多嘢,最重要係睇下回唔回到本
      隆亨呢,第時大圍站有大商場,我覺得隆亨唔夠爭,唔值得加冷氣囉

      刪除
  4. M.C.會是「魔法粟米」咁解嗎?

    回覆刪除
    回覆
    1. 是的,應該係Magic Corn,我見隆亨市集facebook今日推粟米產品

      刪除
    2. 似係Wor 我果日見到大粟米下面寫住Mr. Corn。M.C.Box 可能係Mr Corn Box

      刪除
    3. 可惜Magic Corn 比人專利左,咁樣Mr Corn或者My Corn都得:D
      簡寫M.C.就稳陣實得喇

      刪除
  5. 沙田區區長,有冇留意新翠的檔戶有否搬去隆亨呢?
    照計,又細又冇冷氣的新翠街市仔應該玩完,你去開新翠+隆亨時,煩請留意該位置的動向,謝!

    回覆刪除
  6. 尋日去完,街市旺,商場靜,有唔少人由新翠方向(唔知係新翠邨定金獅花園)幫襯
    https://www.facebook.com/reflection.chaser/photos/?tab=album&album_id=1237369972975057
    新翠就調轉,街市靜,商場有D人(但又唔算好旺)
    https://www.facebook.com/reflection.chaser/photos/?tab=album&album_id=1237376796307708

    回覆刪除
    回覆
    1. 唔該追影族,睇相見隆亨應該仲有排整

      刪除
  7. http://hk.on.cc/hk/bkn/cnt/lifestyle/20160703/bkn-20160703114440105-0703_00982_001.html

    方向報都同佢做宣傳

    回覆刪除
    回覆
    1. 建華街市營運質素有保證

      刪除
    2. 鱔稿都唔識分?

      建X搵黑社會打人, 質素有保證?

      刪除
    3. 你能找到一家街市規劃營運比建華好的嗎?
      良景最終用法律解决了那些霸佔公用地方的惡霸,注意那些小販也不是善男信女

      刪除
    4. 買廿蚊嚿鯇魚仲送包豆豉(前排送甜菜頭仲正)比你蒸魚,幾蚊斤菜,三十蚊磅車厘子,重點係價錢同裝修前差唔多,甚至平咗,同埋可以買齊餸,街市乾淨企理,有冷氣歎,通道闊落,我見過有婆婆坐輪椅嚟買餸,作為真係去隆亨街市買餸嘅街坊,我十分滿意。

      刪除
    5. 謝謝當區街坊Siu Fu第一身經歷分享MC BOX街市購物經驗

      刪除
    6. Siu Fu Wong, 多謝你,好感動,因為通常「彈3彈4」的人會大大聲發放負能量,而覺得「好/OK」的人卻少有宣之於口,謝謝你的聲音!

      刪除
    7. 如果街市好係靠壟斷,靠斯壓小商戶,咁寧願有傳統街市好過

      豬肉檔全部都係建華,不知就裡嘅市民以為有得揀,但實際係無得揀!

      刪除
  8. 方國珊好似好鐘意M.C.Box 呀

    回覆刪除
  9. 噢,見到了,佢在大圍擺街站,走入建華的街市,分别幫襯咗2檔,買魚和鯪魚肉,睇佢個樣真係對新街市幾受落喎 :)

    回覆刪除
  10. http://www.hk01.com/%E6%B8%AF%E8%81%9E/30198/%E5%BB%BA%E8%8F%AF%E8%B1%AA%E8%8F%AF%E8%A1%97%E5%B8%82%E6%AE%BA%E5%85%A5%E6%B2%99%E7%94%B0-%E8%82%89%E6%AA%94%E7%99%BE%E5%88%86%E7%99%BE%E5%9E%82%E7%9B%B4%E5%A3%9F%E6%96%B7-%E5%85%AC%E5%B1%8B%E8%A1%97%E5%B8%82%E8%B3%A3%E5%92%8C%E7%89%9B?utm_content=buffer61651&utm_medium=social&utm_source=facebook.com&utm_campaign=buffer

    建華可恥!

    回覆刪除
    回覆
    1. 建立一個優良環境的街市,可恥什麽?
      請你去街市門口作一個有效的問卷,問出入的顧客要現有新街市,或是還原為舊街市,你就會知道顧客需要什麼。

      刪除
    2. M.C. Box 10分鐘路程有食環署大圍街市和街舖賣街市產品,點解街坊有選擇之下仍然留喺隆亨M.C. Box 消費呢? 仲有,如果有人堅持要幫襯小店,拒絕連鎖集團經營,咁點解惠康/百佳/AEON/佳寶等超市仍然開到成行成市,總有一間喺附近。建華集團管理的街市,其實只是針對連鎖超市而打造的新經營模式,否則大部分傳統街市將會更難與連鎖超市競爭而沒落。

      建華街市的新經營模式令街市環境更舒適整潔、仿效連鎖超市推出每日精選優惠推介、仿效連鎖超市推出會員制儲分換禮物、仿效連鎖超市派專人到附近地方格價、服務水平提高...

      大家可以訪問一下街坊,睇下街坊會選擇去M.C. Box、隆亨惠康、新翠百佳,還是大圍街市消費。

      刪除
    3. 講得好!好多街坊都好支持街市翻新,環境舒適之餘貨品選擇多咗,睇街坊反應就知,依家MC Box的人流未翻新前根本無得比,有時做人呢,唔好為咗反對而反對,一刀切認為翻新街市就係無良。仲有呢,我認為領展繼續租俾果d以為自己係度擺開檔人地就奉旨要成世要俾佢續租,唔重視貨品質素,環境衛生嘅商販就真係可恥喇。

      刪除
    4. link823, 毒品可以抒緩神經, 係咪可以俾人食呀

      建華壟斷咗豬肉檔, 不知就裡既人就幫襯咗... 但其實係助紂為虐
      將建華坐大, 就可以請更多「管理員」打人, 排除異己

      刪除
    5. 其實整體承租街市,政府都有做,實際操作租金水平完全一樣,可參考[房署商場] 晴朗商場 : http://o2and00823.blogspot.hk/2016/07/2016-07-02.html
      你要知包左成個街市租比領展,個承租商壓力幾大呀,自己强項或舖位冇人租,當然直接自已run喇,好似宜家D百貨公司,部份自己做,亦都有比其他人加入。
      客戶角度係睇價錢/質量,邊個係老板關你乜事,政府大圍街市有豬肉賣,點解唔去比較價錢/質量,何來壟斷?

      刪除
    6. 補充一下,其實「整體承租街市」這玩法,自1998年已經在房委會旗下的街市實施,領展不是始作俑者

      刪除
    7. Sorry,係1988年,再早多10年

      刪除
    8. 唔該O2揾紀錄
      有關用語 : 整體承租商制度,single letting model ,master tenant

      刪除
    9. 房委會叫呢D做「整體出租街市 Single Operator Market (SOM)」

      刪除
    10. 而家講緊建華壟斷豬肉檔,並唔係講街市外判制

      建華集團租晒豬肉檔位,其他人點參與經營?
      你認為壟斷係好過百花齊放?

      刪除
    11. 建華已經支付成個街市租金,佢可以全部100%自己run又得,選擇性行業再部份分租都得,有乜問題?

      刪除
    12. 建華覺得自己強項係豬肉,當然全部自己做,以達到最佳利潤

      刪除
    13. 如果有人認為建華壟斷豬肉檔係違反自由巿場競爭,咁麻煩佢地幫手同時投訴埋百佳/惠康/AEON壟斷超市內的豬肉檔、魚檔、壽司檔、生果檔,因為佢地係帶頭無公開招標,歡迎各界商家加入經營小本生意。

      刪除
    14. 仲有海洋公園和迪士尼內的精品店,某食環街市食店,全是獨市經營

      刪除
    15. 豬肉檔全部建華做,市民就無得揀。情況同百佳惠康唔同,佢哋肉檔只有一檔,市民覺得唔啱可以幫襯返相同屋邨嘅街市。而家街市變成另一間超市,其他人卻無辦法喺街市經營。

      刪除
    16. 親愛的 Chi HO 大哥,你有所不知喇,建華想唔垂直壟斷都唔得啦,佢個朵咁臭,D人都唔想同佢一齊同流合污,唔想租佢D檔口,明畀佢賺,同埋自動送上門畀佢折磨,咁建華承租咗領展咁大個街市,唔通由得佢吉哂咩,咪唯有自己落場做囉,陰功

      刪除
    17. 無人租咪平啲租俾人囉。對租戶市民都得益啦,有平餸買又有得揀

      刪除
    18. 如果你以為只要收平D租就得,咁只可以說句:少年,你太天真了!

      食環街市的租金夠平啦,你睇下工聯會的兩餸一湯調查結果吖,「全港最貴街市」正正就是食環街市呀!

      刪除
    19. 就算係咁,咁都唔可以俾建華壟斷豬肉檔
      你覺得壟斷係對社區好好咩?

      刪除
    20. 請你講清楚「就算係咁」的意思,你意思係就算街市D檔口租唔出,情願吉咗佢,建華都唔應該自己落場開檔?

      刪除
    21. 你情願冇豬肉檔,都好過畀建華自已開檔,咁反而對社區好D呀?

      刪除
    22. 建華招租,唔通真係無人租?
      唔好講到壟斷係啱晒咁喎

      刪除
    23. 唔好講到壟斷係啱晒咁喎 <-- 係你扣帽子啫

      刪除
    24. 扣咩帽子? 而家建華係咪壟斷咗隆亨街市既豬肉生意先?

      刪除
    25. 你鍾意點講就點講啦,大帝

      刪除
  11. MC Box加左條拍得好正既介紹片呀。

    回覆刪除
  12. 我係MC Box其中一個店舖員工,有客人消費,買滿十蚊就可儲分,但必須要(即日)儲分。第一,每月所有店舖的儲分器交由MC Box顧客服務部計分然後向每位店舖老板收費,即是儲得愈多就愈多收費,所以儲分方面是比較嚴緊,必須要即日儲分。第二,另要多個膠袋必須要收取(五毫)。隆亨市集MC BOX沒有這指引。今次重點就是因為有顧客不明白儲分規則而造成小爭執,由其是因我年紀小,有客人兇我迫我要給他昨天的儲分數 目,我已向客人解釋要即日儲分,因為沒有這指引,令我很難做也不開心,小爭執那時顧客服務部還沒開。

    回覆刪除
    回覆
    1. Link仔,唔好意思,O2搶答

      阿店舖員工你好,我係O2,是一位長時間在小西灣本灣市場觀察街市運作的領展基金持有人
      首先,膠袋徵費是政府法例規定的,錯不在你
      另外,就O2在本灣市場所見,檔口會貼有「儲分不設後補」之類的字眼提醒顧客,盡量免生誤會,但不能排除有蠻不講理的人

      明白你難做和不開心的原因,作為零售業的服務提供者,這情況應該不是首次遇到,既然錯不在自己,調整一下心情,冇謂影響到自己啊

      刪除
    2. O2客氣,我幾乎當左你係半個版主,唔該曬解答,阿店員工滿唔滿意個答案?

      刪除
    3. 阿店員,O2仲有一個小小提議,未知閣下合用否,你可以嘗試在收錢時問多句,問下客人是否須要儲分,或許對事情有幫助,有時客人本身一時醒唔起儲分,你提下佢,佢反過來要唔該你呢

      刪除
  13. 超靚囉,靚過某全香港最大的單層街市好多倍

    回覆刪除
  14. 全港最靚的街市在領展,領展最靚的街市在建华👍

    回覆刪除
    回覆
    1. 好想屋企樓下都有好似隆亨咁靚的街市~

      刪除
    2. 多謝你對領展街市的支持 但係有啲食古不化嘅人,仍然希望保留番個濕街市同熱市場你話激唔激氣

      刪除