2017年6月14日 星期三

今日路過700號

700號進度看似不錯,已掛招租牌~ This is Our Place,物業用新潮顔色配搭,黃加藍。
大厦旁的公共天橋擴建越過彌敦道工程已經開展,會將對面人流帶入大厦,真是期待的700號😉
700號有D乜,自己睇 http://www.linkhk.com/NR700/zh/index.html#main






看到了700號的宣傳布上寫着 This is Our Place ,我腦海裡立即閃出這首歌 This is my dream , 現在與大家分享,同時希望領展員工留意歌詞, 因爲凡事要創新,就會遇到障礙,遇到挫折,希望各員工不要放棄夢想,堅持到底,將領展發揚光大,This is our dream 💪

77 則留言:

  1. 好近B2出口,看似不錯, 祝700成功!

    回覆刪除
  2. 小弟分析不過唔知arm 唔arm
    旺角要做返起要D時間 .....而家好多地方都可以行街買野....荃灣 元朗 自成一角 都夠佢自給自足 民生野好多人唔洗出旺角買野... 而且經過自由行洗禮....要轉形返本地人生意都係有D難度

    同受科技影響 商舖用途越催單一...只得返食同賣野 .... (街機舖 貼紙相舖 無晒)短線期望不大...長線依然有價值嘅....所以依兩年收入暫唔會太樂觀

    回覆刪除
    回覆
    1. 荃灣, 元朗甚至好多新界人都唔會特登去旺角買民生野, 不過你所講既生活圈其實已經形成多年, 影響早已反映, 唔洗擔心.
      不過旺角街頭, 甚至朗豪坊點解仲有咁多人流呢? 我認為,
      1. 正如荃灣, 沙田一樣, 旺角其實都有唔少人住, 足以形成一個旺角生活圈.
      2. 由長沙灣到佐敦, 其實好缺少有規模, 走中高檔次既商場, 除咗朗豪坊同新世紀, 我諗唔到有第三個. 結果係, 住長沙灣, 深水土步, 荔枝角, 太子, 旺角同油麻地既人仕, 尤其中產, 都會聚集到旺角呢一兩個商場(尤其朗豪坊)消費. 領匯項目位於兩大商場之間, 又係地鐵上蓋, 商場只要走中檔路線就唔愁冇客.
      3. 旺角始終係旅客必到之地, 有一定旅客人流.
      4. 新世紀同朗豪坊都有自身既寫字樓, 淨係呢點已經保證到商場一至五有一定人流同消費. 前貿易署大樓都有寫字樓樓面, 雖然冇朗豪坊咁大, 但只要商場經營得好, 可以吸引到旁邊旺中班中產醫生消費食飯, 優勢就唔會比朗豪坊等相差太遠.
      結論: 只要領匯管理得好, 項目人流係有一定保證. 至於租金, 頭幾年平租吸引 target tenant 好正常, 但慢慢就會回歸市價.

      刪除
    2. 旺角位於香港中心, 交通交便, 係平日打工仔收工, 放假熱門約會地點
      而且之前彌敦道700號個網都提到去旺角購物既人來自九龍新界既人數都係差唔多, 所以彌敦道700號前景應該唔錯
      彌敦道700號係領展第一個位於核心商業區既項目, 同埋係第一個領展由零開始發展既項目, 絕對值得期待

      刪除
    3. 作者已經移除這則留言。

      刪除
    4. 要賺錢, 未必要走中高檔路線
      可引入一些本土化既商舖, 售賣雞蛋仔, 碗仔翅, 廉價潮統時裝店 或者電子產品

      不需要吸引中產人士, 更可仿效旺角中心般以$0月租吸引年輕人創業

      刪除
    5. 「無知」果然無敵,旺中嗰壇野要畀20%分成租金架
      政府美食車都要畀15%分成啦

      刪除
    6. 創業一定賺錢?年輕人冇經驗好多創業都蝕本收場,同人夾份仲搞到好友反目

      刪除
    7. 平時講領匯地區商場都算啦,不過講到話旺角項目都要走低價路線就真係不敢苛同。家吓旺角缺少基層商場咩?旺中咪走低價路線囉,咁多吉鋪咪即係供過於求囉。
      唔通基層購物食飯就重要,住旺角班上班族中產購物就唔重要?

      刪除
    8. 追影族,點解下下講錢?
      年青人創業都可以賺下經驗,退休人士亦可以開文具舖賣下小眾嘢過下日晨。

      如果唔使俾租,但分享盈利都合理喎,如果蝕咗,都唔使俾租。最慘領展又要收租,又要分享利潤。

      碗仔翅仲好食過魚翅啦,又美味,又可以保育鯊魚。

      刪除
    9. 我諗有個觀點要搞清楚 領展唔係社福機構 而係房地產信託基金 即係投資者夾錢買物業收租 目的係賺錢 追求資產回報 所以一定係講錢

      屋邨商場仲有爭議空間 但係投資旺角物業同興建九龍東係同其他地產商起商場收租冇分別 目的只有一個 就係租金同資產增值

      刪除
    10. 馮生,其實你係咪離地?創業唔駛資金?買貨、買設備、買材料唔駛錢?就算唔駛畀家用同父母一齊住,咁食飯交通費唔駛錢?仲有就算平租租畀佢,咁又唔駛交租?仲有電費呢?創業唔夠錢畀係咪馮生你幫佢交租找街數畀電費呀?

      刪除
    11. 馮生說:最慘又要交租,又要交分成利潤 
      Link仔:其實如果可以交分成利潤,我要恭喜佢,因為佢生意好好賺到錢大把錢

      刪除
  3. 呢個場嘅定位一定唔係做民生野,魚蛋格仔餅唔係700號出路, 我覺得搵幾層樓做醫療中心,其他如美容同埋補習 都係一個好出路

    回覆刪除
  4. 回覆
    1. 旅行社好呀,搶銀行中心生意?

      刪除
    2. 哦我又唔知銀行中心有旅行社, 但去過銅鑼灣恒隆中心又係好多樓上的旅行社

      刪除
  5. 700號有D乜,自己睇http://www.linkhk.com/NR700/zh/index.html#main

    回覆刪除
    回覆
    1. 商場以年輕人為主要目標對象
      商場設計格調唔錯 用左木既元素又不失簡單時尚感
      食肆商鋪分配幾好 食肆集中係4-5樓 將人流帶上高樓層 令整個商場都有人流增加銷售額
      5樓有空中花園 整層規劃為兩大食肆 1個2000呎連戶外空間 充份利用空中花園特色 另1個2700呎 如果全層係國際佳餚就正
      整個商場冇太多通道 增加整體零售鋪面面積 令收入最大化

      辦工室樓層 有4-5層 係全層單一租戶

      商場整體設計同規劃唔錯

      刪除
    2. 地圖做得麻麻,唔少錯處(例如波鞋街畫咗響亞皆老街以北),講顧客來源更加得啖笑,好鬼其求,九龍有乜理由只得九龍東(九龍城區、深水埗區呢),新界又只得新界西同北(冇荃灣葵青元朗將軍澳,就算有沙田幅圖亦冇將馬鞍山髹埋黃色),巴士小巴綫又唔準確(例如有905但冇904、970系,亦冇南港島綫,寫銅鑼灣紅小又唔寫埋筲箕灣、西環紅小,九龍東唔知點解計咗去又一城嘅203C,同埋一堆新界綫,270A仲要係行窩打老道唔經旺角,但1、24、27、98C、296C又唔見佢提,新界西堆青衣綫又係食咗),寫616S綫更加搞笑,大佬,呢條係通宵綫嚟咖,邊有旅客搭佢落旺角買嘢(或者有在下唔知)
      最後,睇平面圖完全冇預留位置接駁旁邊天橋,真係有D失望

      刪除
    3. 作者已經移除這則留言。

      刪除
    4. 彈完都要讚下,似乎佢將寫字樓大堂掉上二樓,下幾層就會有多D空間
      至於空中花園,要睇埋高唔高得過周圍大樓先評論,最少旺角中心同佢咁高,南邊景觀會受阻,東邊印象中佢對面西洋菜南街168號都唔矮,仲要係玻璃幕牆,下午有機會將太陽光反射,所以暫時只抱中性評價

      刪除
    5. 其實我估最後come out 可能係雅蘭中心或者銀行中心 2.0

      刪除
    6. 地圖做得麻麻,唔少錯處(例如波鞋街畫咗響亞皆老街以北),講顧客來源更加得啖笑,好鬼其求 ---- 做網頁求其預左, 823除左赤柱其他商場都無自己網頁...

      睇平面圖完全冇預留位置接駁旁邊天橋,真係有D失望 ---- 可能人地唔批...

      刪除
    7. 工貿署比西洋菜南街168號高同闊得多,168號本來係嘉里的,十幾年前賣左比一個業主,有無拆散就唔知...

      刪除
    8. 做網頁求其預咗?如果呢D係招商文件度抄過去嘅咁真係好差囉,識少少嘢嘅人睇到,即刻扣你印象分
      在下睇過唔少招商文件,其中PopCorn嘅真係整得好認真,目標客群收入開支分析都做得好詳細
      至於西洋菜街168,在下係比較緊5樓平台花園同附近樓宇高度水平,以估計景觀、環境等等。如果168冇賣到,呢個業主同在下某個舊老細都有D淵源。

      刪除
    9. 尋晚寫漏一點,兩部貨lift睇落響地下中庭,考慮到地形同改建冇空間做卸貨區,咁擺法都無可厚非,唔專登整條獨立貨運通道仲可以慳人手,但入伙後要面對送貨人士同顧客人流衝突,同埋引入食肆有機會令貨運通道好污糟,睇下領展運作上要點搞了

      刪除
    10. 天橋人哋唔批,在下覺得未必關事,照計咁近駁條橋唔批機會唔大,如果申請咗可能補地價同成本問題多過唔批問題多,但更可能係直頭冇諗住申請

      刪除
    11. 真係唔該曬追影族嘅分析,我哋呢D外行人真係唔知道呢啲問題

      刪除
    12. 太古廣場唔駛補地價起天橋(留意先決條件),另中環盈置大廈起天橋要補地價八千二百萬,仲未計起天地費用
      http://news.takungpao.com.hk/paper/q/2017/0525/3454015.html

      刪除
    13. 睇返700呢個情況,就算起天橋連補地價成億幾在下都覺得值,首先而家旺角道起緊天橋,起好之後估計旺角道/彌敦道十字路口燈位會取消,咁果段彌敦道人流一定大減,D人會行入西洋菜南街(留意G層平面圖仲響向十字路口放街舖,在下就唔多睇好呢幾間舖前景啦);二來起咗天橋,就好似泵咁將水流由地庫泵上二、三樓再出天橋,亦帶旺埋呢幾層,租值一定大增

      刪除
    14. 唔知Link仔講緊邊瓣,如果講貨運通道清潔事宜,其實都係在下行得多商場觀察得嚟,在下好鍾意搵將軍澳站附近某商場做例子,佢個洗手間響貨運通道內,所以可以睇到好多嘢(當然又一城都係類似設計但又一城管理做得好,亦可能資源比較多),仲有就係食肆夜晚要倒垃圾,因為要遷就清潔工人收工時間通常都唔會太夜,但旺角呢D地方大家都知可以好夜都仲有人出嚟玩,凌晨三點仲可以有好多人,唔同領展一般商場去到夜晚九點幾可能已經少人行所以倒垃圾唔會影響到顧客。不過G/F幅圖畫得唔係咁詳細,所以都係在下估估下,或者實際唔係咁都未定呢

      刪除
    15. 係講貨運通道問題,希望安排得宜。関於天橋可能比較復雜,原來有補地价同技術問題

      刪除
    16. 上面報導都有講過:「特首于《施政報告》內提出九龍東先導便利計劃,以豁免改契要付的補價,來鼓勵業主根據已規劃的行人網絡,自資興建行人天橋或隧道等連接設施。除九龍東外,政府亦會因應個別情況,考慮其他地區的業主,提出相關的豁免補價申請。」
      所以呢,如果起天橋,可能可以豁免補地價呢,所以而家情況似係領展冇諗過起天橋多D

      刪除
    17. 本來諗住寫篇文評論呢個網站,但諗諗下在下未做過租務,可能離地咗D,響呢度評論算了
      頁首This is our place,其實在下唔知佢想表達乜,作為招商文件,最重要嘅係話到畀人知商場定位同客源,第一頁見到三個男女揸住街頭小食著到鬼五馬六響彌敦道跑,究竟領展想個商場做咩呢?平民化中低檔?但報導又話想搵化妝品,咁係係做網站(或者傳訊)嘅冇同租務部溝通定係本身租務部係諗住做中低檔先

      刪除
    18. 好啦,講到旺角係香港黃金地段,網頁引用2016年4月嘅「旺角購物人士市場調查」,呢個調查在下唔知係乜,可能只係響街頭訪問去旺角嘅人而得出嚟嘅,就咁睇佢發佈嘅資料好鬼粗疏,只係好簡單咁寫D人響邊度嚟,連人均消費有幾多都冇,更加唔駛講呢D人去旺角會消費D乜啦,如果一個市場調查只係得咁嘅數據,咁真係仲差過馮生做嘅調查囉。好多大連鎖店開舖係睇數據嘅,當然,可能佢哋自己都有數據,但如果招商文件都只係畀呢D嘢人睇,大佬,你會唔會求其咗D呀?你去出面搵顧問公司買數據都唔會嘥你好多錢,但畀人感覺專業好多囉

      刪除
    19. 改進同一線發展商看齊係要時間的...

      刪除
    20. 作者已經移除這則留言。

      刪除
    21. 私營化咁多年,響出面請咗唔少人,前主席又係置地出身嘅,亦有請過顧問,估唔到咁多年都未學到出面D嘢,就算房署新商場,招商文件都有寫目標人口有幾多啦

      刪除
    22. 不過最大問題係在下見到首頁中間果個女仔著對咁嘅襪跑,左邊果個仲騎呢,見你哋睇完都冇出聲,可能在下審美眼光問題吧

      刪除
    23. 追影族,放輕D喇,個700號網我估係裝修承辦商做,同埋重要資料應該係正式招租文件,呢個網你當係普通人如我Link仔睇,順眼多相有野睇會容易接受D,你D意見我估領展兄弟收到了😁

      刪除
    24. 好難講,可能Production house同時整埋招租文件同網站,又或者係AEDAS(建築師)整,但裝修承辦商好少會整網站

      刪除
  6. 在下睇過唔少招商文件,其中PopCorn嘅真係整得好認真,目標客群收入開支分析都做得好詳細--- MTR無疑係值得學習的對象, 823無咩接手未出租物業的經驗

    回覆刪除
    回覆
    1. 關咩無咩接手未出租物業經驗事呀?黃大仙中心北館、T Town北咪係差唔多成個場封晒AEI,搞掂之後招租囉,更何況就算出租咗,都可以整招商文件介紹下個場咖。其實除咗港鐵,好多大發展商都有整,同D 大租客熟嘅,問下佢哋攞料,睇下佢哋點決定租舖,再改進下招商資料囉

      刪除
    2. 再數落去仲有H.A.N.D.S(印象中S區)、天盛、TKO Gateway W區,應該仲有唔少

      刪除
  7. 年報出爐,董事會視察700號 (第14頁)
    http://www.hkexnews.hk/listedco/listconews/SEHK/2017/0626/LTN20170626280_C.pdf

    回覆刪除
    回覆
    1. 呢一個係最接近入夥嘅物業,當然要睇緊啲

      刪除
  8. 顧客網站改左設計

    http://www.linkhk.com/tc/home/

    回覆刪除
  9. 唔該做野...


    鷹君(0041)及冠君產業信託(2778)同時公布,正探討出售位於旺角朗豪坊辦公大樓物業全部權益的可能性,主因目前香港商用房地產市況的利好環境所致。

    位於九龍旺角亞皆老街8號的朗豪坊辦公大樓樓高59層,可出租總面積約為 702,911平方呎。截至去年底已全部租出,期內該物業收益淨額約為2.95億元,佔冠君產業信託整體物業收益淨額14.6%。

    去年底,由冠君產業信託的獨立主要估值師,對朗豪坊辦公大樓物業被估值為84.77億元,佔冠君產業信託旗下物業總估值的12.7%。

    集團表示,可能出售項目所得款項淨額將按照基金單位持有人的利益而投放,除非與冠君產業信託之投資目標及策略吻合,且符合冠君產業信託及其基金單位持有人之最佳利益,否則信託管理人不會推進可能出售項目。

    鷹君持有冠君產業信託約65.6%權益。

    回覆刪除
    回覆
    1. 會平嗎?真要看是什麼價

      刪除
    2. 冠君又賣嘢,咁冠君賣完之後前景真係好一般,收完錢就要走人

      刪除
    3. 冠君幾時賣過野?
      不過冠君核心物業係花園道三號, 朗豪坊 Office Tower 唔係咁重要, 就好似太古賣又一城一樣.

      刪除
    4. 通常重要物業唔會賣,宜家可能家族內,如果價錢ok, 建議食埋佢,雄霸旺角

      刪除
    5. 作者已經移除這則留言。

      刪除
    6. 作者已經移除這則留言。

      刪除
    7. 又嘅意思係學人賣嘢,但領展、置富最少會買返D嘢返嚟,佢就齋賣唔買

      刪除
  10. mhc可能追影族係指瑞房

    對機會可一不可再,旺角的人流不用解釋吧

    回覆刪除
    回覆
    1. 朗豪坊 Office Tower 同朗豪坊商場係有D分別. 我覺得如果一齊賣, 兩者有協同效應會更有價值.
      當然, 冠君可能認為兩者可以分開管理, 而商場主要客源有旅客同旺角居民, 唔需要太依賴 Office 人流呱.
      不過始終唔會平, 無謂去搶啦.
      美國加息, 最新嗰期業績披露領匯借貸成本已經有上升趨勢, 依家一動不如一靜.
      而家吓聽講要成200億, 我諗領匯競投都唔會買到嫁啦.

      刪除
    2. 因為無舖,個人覺得報紙報大數,唔會200億咁多

      刪除
    3. 應該有服務店吧,印象中三星維修中心響朗豪坊辦公大樓

      刪除
    4. 再者,旺角冇乜甲級寫字樓供應,區內數得出嘅唔多

      刪除
    5. 仲有canon同olympus

      宜家進可攻退可守, 就算比人用200億拿左, 700號個價值都會參考呢個成交價...

      刪除
    6. 咁朗豪坊有車位700冇,點計都係朗豪坊值錢好多

      刪除
    7. 多數唔會平,不過呢類資產一定穩健過企業天地,值得考慮

      刪除
    8. 呢個係機會,通常家族內鬥先至賣祖業

      刪除
    9. 鷹君(00041)羅氏家族爭產風波尚未平息之際,旗下冠君產業信託(02778)早前委任第一太平戴維斯(香港)代表該公司,探討出售旺角朗豪坊辦公大樓物業全部權益之可能性。

      第一太平戴維斯將於下周一(7月17日)舉行記者會,公布朗豪坊辦公大樓全球招標出售事宜。市場預期該辦公大樓部分呎價達約2萬元,估值超過140億元

      刪除
    10. 有利700號

      鷹君(00041)旗下的冠君產業信託(02778)委託第一太平戴維斯,以全球招標形式出售位於旺角的朗豪坊辦公大樓(不涉及朗豪坊商場部分),意向價250億元,呎價料約3.55萬元,將於8月底決定項目截標日期。

      第一太平戴維斯大中華區行政總裁李偉文表示,朗豪坊辦公大樓是九龍第二高商廈,屬市場稀有全幢甲級摩天大廈可供出售,全幢甲級商廈須有30%至40%溢價才能吸引業主出售。

      李偉文指出,目前已獲兩至三個中資買家洽談,屬國家級企業,惟內地企業受外滙管制影響,故會分析買家是否持有足夠外滙資金購入物業。

      刪除
    11. 證明700號好抵,全幢旺角物業極小供應

      刪除
  11. 投資市場氣氛旺熱,全幢商廈成為各方「大孖沙」爭奪目標,鷹君旗下冠君產業信託日前公布,表示有意出售旺角朗豪坊寫字樓,帶動同區全幢商廈交投亦備受市場關注。

    市場昨日就盛傳,由恒生銀行持有的亞皆老街113號全幢(見圖),獲買家洽購,業內人士預期涉及金額約達50億元,呎價約1.45萬元,惟本報昨日就有關消息向恒生銀行查詢,該行回覆否認有關消息,強調該物業並未易手。

    業主否認售出

      恒生銀行於13年初、以29億元向南豐集團等購入該廈,物業樓高27層,地下設有鋪位,現租予中式酒樓,以總樓面約34.5萬方呎計算,購入呎價約8529元。

    回覆刪除