2023年2月14日 星期二

領展版毒舌大狀

我追隨了領展超過10年,覺得管理層全方位照顧大小股東,有高度金融管理能力,但經過125億收購新加坡場,計錯數奶野😬,要揾股東埋單,仲攞住個斧頭笑笑口話,要趁好天斬柴,追住股東黎斬🪓,之前大市點跌領展點跌我都冇所謂,但這一動作真是傷透我心💔,領展管理層現在是一個爛了心的蘋果,再沒有優質管理的光環了🙅

做了幾張改圖消消氣,讓子華神為各小股東抱打不平,有請領展版毒舌大狀



23 則留言:

  1. 小股東已積怨幾年,現在只是將早已躺平的小股東再強暴一番。

    實在令人太失望,Link 仔會諗諗其他出路嗎?

    回覆刪除
    回覆
    1. 但宜家要過左呢關先至可以諗換馬

      刪除
    2. Why? Link仔D 823應該好平入?

      刪除
    3. 我10幾年前已開始入貨梗冇問題,問題係領展管理層已變質,我再唔可以一注獨嬴,要平衡風險,我都會繼續持有領展,但唔會揸90%領展咁傻了

      刪除
  2. 其他REITS 就算供股都有母公司包銷, 823 供股如果dragon kingdom 自己拎10 億出黎供, 我就覺得佢真係值一年一億人工, 而家, 我呸

    回覆刪除
    回覆
    1. 而家就由滙豐、星展及摩根大通包銷;不過,如果有人因為唔供要包銷商包銷,我覺得包銷商地會仲開心。

      刪除
    2. 823 個價都幾硬, 應該唔會有人唔供, 不過長遠真係傷害左個金七招牌, 以後每有收購都會被人拎番出黎講

      刪除
    3. 供有分注入新錢或沽部份舊貨來供,我選後者,唔打算入新錢了,佢哋個優質管理光環已失

      刪除
  3. 我反而係諗除了債券,根本係無保證永遠派息的工具...

    中電新地呢d無供過股,但都有債高, 家族因素呢d問題...港鐵呢d屬於國企,
    友邦好似hsbc 咁受經濟影響

    回覆刪除
    回覆
    1. 債券又可能有違約風險,睇下堆內房債。End up,都係要投資前要做功課

      刪除
    2. 我寧願佢減派息都好過供股

      刪除
    3. 選唔參與供股的效果應該同減派息差唔多, 不過係多左股權攤薄,我無理解錯的話...

      安泓投資楊書健分析,由於供股價44.2元較每股資產淨值(NAV)70多元大幅折讓,而且過往在港股低迷時藍籌進行供股、供股者長線回報往往不錯,故他認為資金充裕的領展股東應該供股:「我明白很多投資者買房託是希望收息,是次供股等於把過去近3年收到的派息給回領展,當然會唔開心,但從另一角度看,通常在兵荒馬亂時供股最着數,例如2009年首季在匯控(0005)以每股28元供股,股東供股後若持有至今的回報亦不錯。」

      楊書健亦提醒,假如領展股東靠它的派息作日常生活開支,現時沒有餘錢,或因為其他原因決定不供股,應該沽出供股權套現,而買賣未繳股款供股權日期為下月9日至16日。

      刪除
    4. 唔想攤薄梗係供啦,但直接供股要加新錢落去,我過年之前貪高息5厘去銀行做左定期,所以我冇咁大筆錢供股,唯有我賣左大約14%現貨,所得現金就剛好用來作餘下的86%供股,計清楚仲有多,套現左額外現金,好處就是lock住個持股比例,只溝稀小小,不用擔心之後除淨價及供股權的價格上落,仲分分鐘24/2除淨之後有筍價,因為有好多散戶唔想供或冇錢供掟貨,大戶到時掃rights一定要質正股,rights價實被質低,到時我撈番小小rights增持下,最後可能唔使比新錢供股之餘,又冇溝稀到

      刪除
    5. 唉~我都係賣部份供股,供完股之後股數少過之前,但就多咗些少現金,我應該加碼供股嗎?

      刪除
    6. 股數應該唔會小過之前架 ? 我54蚊賣左14%,之後44.2供完,照計股數會仲多過以前,不過%就攤薄左啫

      刪除
    7. 因為我兩個戶口,其中一個沽清咗,賣多咗所需要供的股數。

      刪除
    8. 原來如此,你可以等除淨之後,睇位買番,只要唔係用新資金就冇乜所謂

      刪除
  4. 我係過來人,上月清倉所有香港房託(好彩走得早),全部換入728+941+883+386組合,『國進民退』依靠阿爺低估值國企,點都好過被香港班房託奸商欺凌魚肉…😁

    回覆刪除
  5. 關於「公唔公平?」這回事,bittermelon如是說...

    //是次供股,個人認為是好心做壞事,要股民「諗嘢」,何其罪大惡極。其實簡簡單單的做配股集資,懶理股民在沒得揀下股份被攤薄,然後對外講好領展故事,股價隨時不跌反升。這下可好,公平對待股民給他們選擇,結果管理層成中矢之的,全城喊打。//

    回覆刪除
    回覆
    1. 問題係大部份小股東唔會留一筆現金預備供股,宜家講明會隨時供股,我條數又唔同計法了,如果佢小額集資,根本唔需要供股,只係佢管理不善,太大條數,點可能配股咁容易,唯有拖小股東落水

      刪除