2019年1月10日 星期四

葉劉拍枱嬴一仗,區諾軒獨葡萄

葉劉拍枱夠Juicy,報紙爭相報導 , 區諾軒千字文無人理,唯有獨葡萄,慘慘

=========
拍檯走人金腰帶 政策研究收屍骸
區諾軒 - 立場新聞
有啲嘢,你真係洩氣。你唔好怪香港無政策研究,因為個政治制度真係唔鼓勵。
好似噚日立法會財經事務委員會討論《房地產投資信託基金守則》的實施情況,成個議程只係得三個人發言:我、葉劉、郭榮鏗。
公眾有幾關心,可以從今日《明報》、《蘋果》、《東方》的政治花邊新聞睇出嚟 — 只係講葉劉拍檯走人,這樣寫的:「『你係咪當我哋傻嘅先?』由於提問時間已用哂,葉劉又趕住走,呢場戲就咁落幕。」除了《東方》有引述其他人說話,其他都只有拍檯走人。
關心領展議題的人,都會知無論講回購、定係監察街市,已經係難以實現的倡議,惟獨《房地產投資信託基金守則》,先係整個公屋商場私有化的核心惡魔。財庫局證監會一日唔修改守則,一日就縱容領展變成地產商發血汗財。這樣重要的議題,發言門可羅雀,係立法會的悲涼。
附件係交比委員會傳閱的文件,立法會秘書處亦都會上載網頁。但正正經經寫問題有幾多人關心?係沒有的,傳媒只會關心拍檯走人。
拍檯走人,真係好易,其實好多立法會議員年中都拍檯走人,我有時都會諗,點樣先可以係一個議題做得好少少,公眾關心多少少。請教下大家,我下次係會議廳做咩先好?除褲定裸跑?
李兆富應該會好開心。



4 則留言:

  1. 阿「離巢乳鴿」已搶到fo,win咗啦,佢褲都未除、未裸跑,已經引起注意,果然是稱職的政客👍

    回覆刪除
    回覆
    1. 葉劉簡單D,拍枱快趣D,唔使寫長文😁😁

      刪除
  2. 講句公道說話,佢都做咗好多功課,值得一讚。可惜企錯邊。

    回覆刪除
    回覆
    1. 當試過用流氓手法衝上領展寫字樓佔領整幢大廈及肆意搗亂後,原來係會收律師信的,佢開始改變策略,與其武鬥不如文鬥,反正佢有的是議會權力,一於鋤死領展,報仇雪恨

      刪除