2016年8月24日 星期三

房屋署外判水泉澳邨街市

領展外判街市新聞看得多,房屋署外判街市新聞大家都要睇睇比較一下。

========
2016-08-23 hk01  調查指8成市民認為房署不應外判街市 檔主:外判街市無得傾

選段 :
入伙率遠低預期 街市人流稀少

丘文俊表示,水泉澳街市原為房署管理,但其後卻外判予一間上市公司宏安集團,街市共有58個鋪位,現時已出租50多個。而當初宏安招租時向租戶提供的數據是指邨內共有30,000居民,並以此釐定租金,故現時水泉澳街市租金最低也要20,000元。

可是水泉澳邨現時入伙率仍遠低於預期,18座公屋只有7座,近約4,000多個單位已入伙,估計邨內居民現時最多只有10,000人,遠低於宏安評估的30,000人。小商戶直指街市人流稀少,平日人流最多只有100人左右,營業額更加少得可憐。商戶主席陳先生坦言現時每日開檔「所有商戶都係你眼望我眼。」宏安集團和大業主房委會對此卻就手旁觀,一眾商戶無奈又氣忿。

魚檔斬纜離場 冀提早完約退回按金

經營冰鮮魚檔的葉先生以40,000元租用一個100多呎的鋪位,租鋪以來已投資超過30萬,每日開支近3,000元,但營業額不足1,000多元,直言根本無法支撐下去,他預計短期內根本難以達致收支平衡,長痛不如短痛,他決定斬纜離場。

現時葉先生正打算尋找地盤工,以維持生計,「因為人工較高」。他現時只希望宏安能體諒他的處境,讓他提早結束合約並退回12萬按金,否則他即使找到新工作,又仍要繳納租金,他坦言對未來毫無頭緒,只能見步行步。

免租期照收冷氣費管理費

小商戶除指責宏安集團提供假數據欺騙商戶外,營理不善、帳目不清、人事混亂都令商戶蒙受損失。經營菜檔的商會主席陳綽鋒表示,今年3月宏安集團便開始陸續將鎖鑰予交商戶,並給予一星期作裝修期。商戶裝修過後便正式營業,然而3月到6月其間,人流極為稀疏,根本無法營業。各小商店無法營業卻要納空租,損失慘重,於是與宏安集團商討,並要求寛免租金。

幾經交涉後,宏安終願意免3月至6月這三個月的租金,但所有商戶必須在6月10日前重新營業,而且租戶仍需繳交3月至6月每月數千元的冷氣及管理費(簡稱冷管費,以每呎38元計算),「宏安話呢三個月內佢都有派保安,有清潔同管理,因而要收返冷管費」。

他質疑宏安收取冷管費的理由,「因為在租約當中只有租金一項總數,但無明細帳目,無顯示出嚟」,不明白為何宏安口說免租,實際上又要收冷管費,直言宏安帳目不清。而每當商戶致電宏安集團就租務問題提出質疑及查詢時,宏安方面往往推說負責接洽商戶,以及與商戶簽約的職員早已離職,「現時兩個助理總經理都無做,有乜口頭承諾都無用」,陳指一系列事件可反映宏安在管理及人事上都有極大問題。
 丘文俊及一眾商戶認為房屋署作為大業主,理應監察管理公司的運作,現時卻仼由宏安壓迫商戶,故責無旁貸。商戶要求理應介入事件,並促請房屋署收回水泉澳邨街市直接營理,及免租一年,以改善現時的營商環境。商戶表示,如房屋署及宏安再不回應他們的訴求,不排除集體罷市抗爭。

hk01.com   三名商戶代表在總部門前「上吊」,喻意一眾商戶被當局趕上絕路。(鄧栢良攝)
hk01.com   街市內不少舖位空置,有人蓆地而睡。(梁銘康攝)

14 則留言:

  1. 水泉澳邨街市呢單野好得意,HK01的標題原本係「丘文俊率商戶示威反領展 完場始知妻子作動 急赴產房」,佢入埋領展數,後尾至改番

    回覆刪除
    回覆
    1. 咁樣都逃唔過O2法眼,我用RSS feed追踪領展新聞,尋晚2016-08-23 7:40pm都收到呢段消息,正想爆炸之際,hk01今朝改番,冇得鬧 :D

      刪除
  2. 理論上房署收租係唔會收足嘅,睇屋邨入伙率去寬免部分租金
    但唔知佢同宏安有冇咁嘅安排(如果有,理論上會規定埋要回贈小租戶),而宏安同小租戶租約係點亦唔知

    回覆刪除
    回覆
    1. 外判就係唔想理,我估冇考慮入伙率

      刪除
    2. Link仔,是有入伙率因素的,初入伙時,啟德區晴朗街市生意不足,明報有報導過

      刪除
    3. 天價呎租的晴朗爐具電業公司,店舖負責人黃先生稱,該舖競投激烈,「另外幾個不中標的只比我們少一兩萬」。他說,兩屋陸續入伙,居民對電器爐具需求大,計算過首月免租及按入伙率計租金,以每月300萬元營業額計,仍有錢賺。但他承認,21萬多元租是較貴,「食頭啖湯」後未必做完整個3年約期。(2013-09-08明報)

      刪除
    4. 晴朗街市的近況 2016-06-30 hket
      http://topick.hket.com/article/1455067/%E6%88%BF%E7%BD%B2%E5%A4%96%E5%88%A4%E8%A1%97%E5%B8%82%E5%8A%A0%E7%A7%9F%E5%8B%81%E9%81%8E%E9%A0%98%E5%B1%95%E3%80%80%E6%81%90%E6%8E%80%E9%9B%A2%E5%A0%B4%E6%BD%AE
      房署外判街市加租勁過領展 恐掀離場潮

      刪除
    5. 咁係唔係宏安有問題,冇減到租呢

      刪除
  3. 由於在下冇街市檔戶總面積,由街市總面積1473平方米計,當50%實用率,即係街市開支約30萬,睇落好似都幾高下喎
    仲有個問題,就係在下四月去果陣街市都未開,唔知佢憑乜收租戶3-4月份嘅管理費同冷氣費

    回覆刪除
  4. 真係輸打贏要 佢地做之前明知已經係新屋村 一定唔會一開始就有生意, 一定要守,呢D就係賺錢既風險. 以家無生意就叫房署回水, 不如免費好唔好. 而且房署租金一定比LINK低,納稅人要補貼家. 好多人成日講823 點唔好, 如果LINK 既場真係唔好沒得賺, 唔會有人繼續租. HK 係資本主義社會 , 以家連大陸都唔行共產啦. 唉

    回覆刪除
    回覆
    1. 水泉澳邨街市可能受鉛水事件影响,拖慢入伙,房署可能要同宏安商戶協調一下
      關於LINK就一定係走市場機制,按客人口味要求調整街市,租金當然係按市場機制調整了,唔好再沉迷可20年霸佔同一個檔位,犯錯仲可以司法覆核既食環童話世界裏

      刪除
  5. 街市收市值租金根本就on9, 你當而家係金鋪賣金?

    街市係民生用品,市民生活所需, 租平貨平,平衡超市霸權, 通漲先會低。 實情應該係要政府補貼,收非市值租金,但要限制必需開檔而非抄賣

    回覆刪除
    回覆
    1. 自從政府放棄管理屋邨商埸,打包上市的一刻,所有領展的商場就必須按市場機制調整,補貼不再存在,正如新房署的商場,如大本型都不再補貼,全面市場化

      刪除
    2. 政府補貼後果,自己去搵D彈食環署街市管理不善報告睇下囉
      仲有就係好多人低價投檔,然後做做下高價頂畀人,自己印印腳每月袋差價

      刪除