2015年12月17日 星期四

[轉播]現場直擊報導天盛街市

天盛街市剛開幕我未去巡場,但聽聞有傳說中的天盛貴蟹,唯有上天盛街市 facebook,探下新街市,睇下隻天水圍第一蟹,同事先張揚嘅澳洲和牛。
不過,隨高價和牛長脚蟹外,我都想知其他一般蔬菜,鮮魚及肉類售價,不知有沒有網友可提供。

網友直擊報導 :
O2天盛街市 @2015-12-17 同 Venus BeBe Youtube 直擊報導天盛情況

天盛街市 facebook



 ============

Venus BeBe ☆現場直擊報導之天盛街市@2015☆

天盛街市2000元的蟹

https://zh-tw.facebook.com/cas.australiawagyu

https://zh-tw.facebook.com/cas.australiawagyu

41 則留言:

  1. 犠牲了天耀街市,就係要居民日日食和牛,日日食貴蟹嗎?

    回覆刪除
    回覆
    1. 麻煩Chi Ho可否代看天盛其他檔口,如一般蔬菜售價,有沒有每天特價產品,以作比較

      刪除
    2. 今日去過,一般街市買到的海鮮、牛肉、豬肉、豆腐、蔬菜、生果...樣樣都有,價格正常

      天盛街市 @2015-12-17
      http://o2and00823.blogspot.hk/2015/12/2015-12-17.html

      刪除
    3. 天水圍又唔係得番天盛一個街市。。。
      有貴價食材賣。唔代表就係要居民日日食和牛/貴蟹嘅。只係比居民多啲選擇啫~

      刪除
    4. grassroots, 對於你嚟講, $2000隻蟹係價格正常?
      suki, 你唔明了, 新天盛街市開張, 代價係天耀街市摺埋

      我唔明點解唔可以兩者共存, 天盛街市做高檔生意, 天耀街市做基層生意
      平有平買, 貴有貴買

      刪除
  2. https://www.facebook.com/unforgettablemarket/videos/vb.1522174594687484/1562736497297960/?type=2&theater

    這個短片,希望你們領展股東反思! 你收既一分一毫股息,係來自欺壓小市民的!

    回覆刪除
    回覆
    1. 多謝裘錦秋中學(元朗)同學記錄了天盛街市裝修前狀態,顧客可以作街市新舊對比及評論

      刪除
  3. 據天耀街市3間燒臘店稱,佢哋因租金貴2倍,無意在天盛街市經營,否則飯盒要加到$24盒先經營到。

    領展關閉天耀街市,要居民捱貴飯,增加市民負擔,又一實證。

    不過股東係唔會理民間疾苦㗎啦.

    回覆刪除
    回覆
    1. 「租金貴2倍」,貴2倍即是幾多錢呢?由1000蚊加到2000蚊???

      刪除
    2. 作者已經移除這則留言。

      刪除
    3. Grassroots不認識中文嗎?貴2倍就係原本1000加到去3000

      刪除
    4. 最大問題係...原本已經交緊萬幾兩萬蚊租
      而家加多兩倍==你真心膠定扮無知呢?

      刪除
    5. grassroots, 你想引我講出嚟? 由$32000加到$90000
      關閉天耀街市後市民無平飯食, 今次領展做得對嗎?

      刪除
    6. 都係 Chi Ho 聰明D
      Benson, 你好屎呀 XD

      刪除
    7. FYI,俊宏軒(被淋紅油)的菜檔的月租是14萬元

      刪除
    8. 天耀街市關閉後,天盛街市開燒臘店後,你估仲有無咁平嘅飯賣?款款$20,呢d先係合理價!
      http://holland.pk/siwzof5u

      刪除
    9. http://holland.pk/siwzof5u
      天耀燒臘舖1 單拼/雙拼 $20 (19/12/2015)

      http://holland.pk/rcmt2oab
      天耀燒臘舖2 單拼$22 /雙拼 $24 (7/2/2016)

      http://holland.pk/ni8tvxoa
      新裝修天盛街市 正興燒臘舖
      單拼$34 /雙拼 $36 (7/2/2016)

      好明顯,天盛租金貴反映喺物價到,天耀附近有3間中學,你叫學生捱貴飯?食係必須品,咁貴,即使有人買,每月已經搶緊學生$200。$200對學生好重要,所以領展唔應該關閉天耀街市。仲有仲浪費佢哋20分鐘步行時間!

      刪除
  4. Venus BeBe 呢D咪叫識貨囉,買開野的人自然知道D野平定貴。
    大家可以放心,以O2的經驗看,天盛街市一定冇得輸。

    回覆刪除
    回覆
    1. 真係無得輸㗎~捨得使錢買靚嘢食嘅人。就會好開心~終唔使特登落屯門(一田。吉之島)
      其實天盛嘅價錢。同天瑞差唔多。只係多咗啲高質素/高檔食材。可以有多啲選擇吧~
      要買平嘢。咪去天耀囉~

      刪除
    2. 都話天盛開左~天耀就要拆

      刪除
    3. suki 講得啱, 買平嘢, 去天耀, 所以天耀唔應該關閉
      捨得餐餐食和牛, 可以去天盛... 要慳錢既, 去返天耀囉

      刪除
    4. 天盛既有貴野,又有平野,使乜分開兩邊咁煩,天耀拆得啦 :D

      刪除
    5. 天耀唔係世界沒日,還有商場超市的,其實香港有其他屋苑都係有超市冇街市,或者要行10分鍾先有街市,但果度D長者都生活得好好呀

      刪除
    6. 段片都幾似打手拍喎,一聽就知係宣傳片段啦
      如果普通人拍片,一定會俾保安趕啦

      N年次我去蝴蝶同天耀商場影翻新緊嘅相之嘛,即刻有保安服侍。大模大樣喺街市拍片,我諗唔係個個得

      點解片段唔介紹埋買嚿薑都要$10?又一d都唔貴?

      刪除
    7. 天盛街市普通新奇士檸檬要賣$20 4-5個,真係合理價?超市價就真!普通街市賣緊$2.5-$3.3一個咋喎

      刪除
  5. 要近距離run2個街市係好高成本,宜家天盛開左,貨品售價合理,咁樣2合1街市,又有乜問題,至於步行距離問題,要等我實試後同大家講。

    回覆刪除
    回覆
    1. 有乜問題?第一,行遠咗囉。你話有送餸服務,網上訂購?老人家鍾意打下牙骹你要佢哋做孤獨老人?

      以前都係兩者共存十幾年,無咩問題。而家天盛街市中產化後,可吸引多些年青人。而天耀街市絕對可以打基層路線,各取所需。有錢兩邊賺

      刪除
    2. https://www.facebook.com/ubeatcuhk/videos/411717295692065/

      可以睇下無咗街市有幾唔方便

      刪除
  6. 我開張個日去睇見啲野都唔係好貴,價錢都算合理呀,聽講遲啲會開多啲唔同種類嘅檔,咁到時應該會有平野買

    回覆刪除
  7. 天盛和天瑞街市以後點樣定位,都係好有趣

    回覆刪除
    回覆
    1. 天盛係天水圍旗艦,天瑞做阿二

      刪除
    2. 天耀濕貨街市做阿三絕對唔介意
      無須要有和牛,芝士,英文包裝嘅食物,只要有普通鮮活豬牛雞魚菜肉就可以,唔需要來自日本芬蘭

      刪除
    3. 作者已經移除這則留言。

      刪除
  8. 街市就該是街市樣,裝潢比百佳惠康還要美還要時尚,我敢說比百貨公司還要美,加上街市還有Wifi服務呢(邊個賣餸要用wifi咁百痴?)
    1.你認為成本會低?然後不說提高收入,先要維持,租金必升,就算同舖保留都不可能維持原有售價。
    2.區內領展一家獨大,對手是百佳惠康?仲要殺埋天耀全天水圍最老最平的街市,一句講曬,玩完。
    3.有A(天盛街市)不能有B(天耀街市)根本是謬論。他在說有MTR就不用巴士,有醫院就不用診所嗎?明顯是迫人去高成本的“新街市”谷人流。看看合併的mtr,當年他們也是像現在一樣被騙了。
    4.完全冇諮詢,一意孤行,就翻新A街市,殺了另一家B街市。誰說要冷氣街市?wifi街市?要高檔貨誰會去街市?你會去女人街買名牌袋嗎?還是你會到深水埗買iPhone?不是歧視,是信譽問題。還有是根本錯配,你明白什麼是街市嗎,不要搞錯超市或百貨公司,或者領展考慮改名做天盛超級廣場。會買高檔貨我們可以會出市區,出國(旅行好託朋友好),上網訂貨也可以。不就是要推高物價。

    你們不會天真認為新街市裡的貨品能維持原有的水平吧?成本已經差天共地,小本經營的根本做不了。順便講講天盛商場會開富臨皇宮,不又是大財團玩晒,這就是大家說的發展?全世界只有高檔貨就是理想?只會向錢,什麼也是效率效的話,天水圍要6間領展商場,4個街市做什麼,合成家天水圍廣場好了。舊的重覆就是垃圾?

    領展已經將天水圍的玩具&文具店,書店漫畫店,茶餐廳粥店面店趕盡殺絕,我想在天水圍食碗雲吞麵學你地講,行30min都未必有一間,全天水圍我只想到3間有賣雲吞麵,其中一間是一粥面。求放過全天水圍最老最平的天耀街市,就當是聽取民意,又或是當保留居民的集體回憶。

    回覆刪除
    回覆
    1. 還有那些粗俗d講:傻仔,來天水圍看一兩就以為看穿萬物真相,是太天真嗎?
      天水圍基本上只有商場,没有什麼街舖,不像旺角元朗等地,除了新北江商場比較平民(當然不是領展)和長實的置富嘉湖,全部都是領展的地方。
      天水圍最多就是連鎖店,每間領展商場大同小異,重覆單一的商戶令市民選擇異常少,不說其他,只看食肆,美心大家樂大快活M記kfc就多,領展旗下找間吃雞蛋仔魚蛋都没有(魚蛋只有去711)。雲吞麵?粥?天水圍領展中你要找一間你要多走幾步跑通幾個領展商場。茶餐廳記得只有一間銀龍茶餐廳,其他?
      領展會歡迎粥店麵店嗎?你想多了,不是$40碗的X仔雲南米線才夠格,最差也起碼一粥麵才可以進註。茶餐廳?大快活大家樂足夠了。
      現在不只是街市問題,是領展獨大,“無王管”的問題,佢要賺錢ok但我覺佢缺乏了道德,除了錢它没有看到其他。

      雖然只是結果論,但不能否認没有領展大家活得好好的,有了領展,非但没有貢獻,還要“搞屎棍”,小商戶全走了,大財團開心了,小市民只有無奈。

      刪除
  9. 天水圍大把人供完樓,經濟無大壓力。
    將來更有新地天榮站,濕地公園3個住宅項目落成,高級食材大把人想買。

    回覆刪除
    回覆
    1. 我不否定有人想買貴價食材,但賣貴價食材毋須把天耀街市關閉吧!

      有代表表示,天盛街市於本月16日起分階段開張,但市民批評該處物價騰貴,廉價食材少,貴價食物如凍蟹、和牛、吉品鮑、西冷牛扒卻不缺乏,但天水圍居民多為基層,關閉及強拆天耀街市、開設物價「離地」的天盛街市,與他們的需要背道而馳。代表要求保留天耀街市,且希望食環署在天水圍興建中央街市。

      天盛居民周小姐表示,雖然天盛街市方便,但「搞到好高級」,物價高昂,而她平時會去天耀街市購物,認為該處物價較大眾化。天耀邨居民李小姐直言,若關閉天耀街市便「唔知點算」,但絕不會去天盛街市購物,又指天耀邨往天盛街市需時20分鐘,來回便共40分鐘,加上物價高昂,寧願改去元朗購物,選擇多而且價廉。

      在天耀街市經營藥材的檔主彭先生表示,明年2月約滿被收舖後不會再開檔,直言「無諗過搬去天盛(街市)」,因租金貴一倍以上,他寧願退休不做。

      刪除