2015年10月16日 星期五

天耀往天盛很遠嗎?

有D居民反對天耀街市關閉濕貨區轉為賣乾貨, 市民日後要到翻新後的天盛街市買菜, 反對理由係天慈邨步行至天盛街市來回需要40分鐘, 我即刻Google一下, 發現天耀與天盛有一條天橋直通步行應只數分鐘, 為了公平計, 我用google人行了3條路綫 :
天耀街市過天盛街市 : 5分鐘
天慈商場過天耀街市 : 12分鐘
天慈商場過天盛街市 : 16分鐘
他們強調天慈過天盛要20分鐘, 根本天慈過天耀基本上都要12分鐘, 而他們却不提重點天耀過天盛5分鐘, 真是有點誤導觀眾
其實我家距離太和街市10分鐘, 但我從不投訴。

據網友O2提醒 : 黃大仙中心購物推出「貼心送」服務,於指定時間派出服務員免費為有需要的居民由黃大仙中心運送貨品到龍翔廣場,減輕路途負擔。路程雖然只需5-10分鐘,但推出後大受區內長者及行動不便人士歡迎,至今每天平均有數十人使用,成為備受讚賞的便民服務。據報導,領展也會在天盛&天耀提供此項服務,免費為長者送餸,由「天盛街市」送到「天耀商場」



============

天耀街市過對面天盛街市 Google人行約5分鐘

天慈商場過天盛街市 Google人行約16分鐘
天慈商場過天耀街市 Google人行約12分鐘
黃大仙中心購物持別推出「貼心送」服務

============
領展翻新天盛街市稱「加租係必然」 居民:「今日天盛明日天耀」
選段 :
天愛苑居民莫先生轉述他母親指,自從領展接管天耀街市後,不少貨品均沒有標價,令市民不能格價,貨品質素亦轉差。他認為是領展加租所致,「經常加租,店鋪又不敢加價太多,唯有賣劣質貨」,「經常買到發臭的腐乳,蔬菜又又霉又黃。」他認為政府應容許更多小販在天水圍擺擋,增加競爭。

對於天耀街市關閉後,居民須長途步行往天盛街市,領展表示看不到過一條馬路去鄰近街市,對居民會有多大影響。賴美婷反駁領展,指關注組曾實地測試過,以正常步速由天慈邨步行至天盛街市,來回需要40分鐘,每程要橫過8條馬路。她相信長者及攜帶嬰兒的婦女所需時間會更長,對他們極不方便,絕非領展所說「看不出過多條馬路對居民有甚麼特別影響。」,批評領展以辦公室思維說這話。
===========
「貼心送」服務為顧客多走一步
Going the Extra Mile to Care for the Community
商場服務團隊因應提升工程,細心考慮顧客需要加強服務,以期減低施工情況對使用者帶來的不便。

龍翔廣場於今年6月起分期進行資產提升工程,考慮到居民或有需要到毗鄰的黃大仙中心購物,領匯持別推出「貼心送」服務,於指定時間派出服務員免費為有需要的居民由黃大仙中心運送貨品到龍翔廣場,減輕路途負擔。路程雖然只需5-10分鐘,但推出後大受區內長者及行動不便人士歡迎,至今每天平均有數十人使用,成為備受讚賞的便民服務。

===========
O2報告 :
巡視業務.領匯.天耀廣場
[領匯商場] 天盛商場 @2015-08-08

50 則留言:

  1. 買到差嘅貨品仲幫襯
    另外沿天耀路行去街市入口會唔會近D?

    回覆刪除
  2. 果幾條路係Google自動導航,以作比較,自己行當然會仲近

    回覆刪除
  3. 記唔記得黃大仙中心的「貼心送」服務?
    據報導,領展也會在天盛&天耀提供此項服務,免費為長者送餸,由「天盛街市」送到「天耀商場」。

    回覆刪除
  4. 你係咪天水圍居民?睇地圖就覺得一街之隔?
    行天橋要上上落落,梯級又窄,架lift 又細。

    過馬路?有成3個燈位,只係燈位都要等5-8分鐘,你又知唔知?坐office咪只係睇地圖囉


    天耀街市係污糟,翻新裝修咪得囉,點解要拆?
    將本來有既嘢變無,咁叫做發展,資產提昇。
    叫老人家行遠路,簡直係虐老。

    貼心送?一對一?買滿幾錢?

    回覆刪除
    回覆
    1. Link仔答 Chi Ho : 我住大埔 ,城市規劃不可能設計每5分鐘步行有一街市,一般標準是能做到15分鐘步行距離已算合格,我有照顧老人家經驗,對於身體健康老人家,行10分鐘係健康的,對於身體較弱老人家,行1分鐘都難,所以照顧老人家還要靠其他社會支援。
      佈局2個距離相近街市,是重叠社會資源,是一種浪費,統一䧶成两小街市合為一大街市,更有經濟規模,會有更多商戶願意進駐,市民將有更多選擇,可買到更多以前沒有提供的貨品,對于大部份市民是改善生活,其實所有城市再規劃,都有"將受益者"及"失去既得利益者",只要"將受益者"是佔市民大比數,就值得做,值得支持。
      「貼心送」服務應是一合理安排,有長者及行動不便人士提出要求,當時人手資源配合就會提供,我會了解詳情另告之。

      刪除
    2. 為甚麼拆天耀街市前,不讓天耀邨街坊得到充份諮詢?好的社區發展理應「由下而上」,應該讓更多天耀居民策劃未來街市怎樣走?


      資源是否重疊?一直以來天耀街市及天盛街市相安無事,沒人說浪費。強拆天耀街市只會騷擾原先天耀及天慈居民的生活。 社會發展應是進步,並不是不由分說強拆已有的設施。


      領展如果多作居民諮詢較為合適。

      刪除
    3. 商業運作一般會做市場調查及商業可行性來决定,裏面已包括消費者意見,但最後决定是董事局, 不是區議會, 這就是公營與私營的分別 :

      公營運作 : 方案諮詢→(調整方案↔再諮詢↔再調整…)無限loop→最後取决于官員是否勇於承担?
      决策人責任 : 官員傾向不做不錯
      錯誤損失 : 納稅人支付

      私營運作 : 决策者作市場調查→方案是否商業上可行→如是就快速實行
      决策人責任 : 執行錯誤會被董事局處理
      錯誤損失: 公司要自行承担有關損失

      刪除
    4. 「中環街市活化」和「西九文化區」正是諮詢無限Loop的代表作 :D

      刪除
    5. 有關「貼心送」服務方面,據O2的了解是「不設最低消費」的

      刪除
    6. "果幾條路係Google自動導航,以作比較,自己行當然會仲近"
      自己又唔係住天水圍...係度評論都算
      不如你親自黎試行一次先再評論~唔好似啲高官堅離地

      刪除
    7. 我用Google 人比較唔係離地,係為左公平中立,當天盛裝修好,我自會現場實試,我看不到在城市規劃時,10分鐘步行到街市是什麼問題,當你討論為什麼以前可以是樓下一分鐘,現在却要10分鐘,其實是雙方的,業主可自由調整裝修自己的物業,住客也可以搬家到另外一處樓下是街市的住處,各取所需,業主不能留住客,同樣地住客也無權干涉業主如何裝修物業

      刪除
    8. 一個沒有認受性既業主, 住客就有權干涉同不斷施壓

      刪除
    9. 最後上述嘅「貼心送」到今日天耀街市只剩2間舖也沒出現。
      這是否領展欺騙居民?

      刪除
    10. 而家風頭火勢,街市問題隨時又變A1新聞,我同意領展停止所有街市會導至見報有關活動,因為這時無論任何活動都會變成負面議題,所以此時最好"不做不錯",贊成最佳標準回應用 :"密切留意有關情况,有需要時作出跟進"

      刪除
    11. 早前因為cut 街市, 唔方便市民,先有「貼心送」
      而家連「貼心送」都無埋,係咪應該開返個街市呢?

      刪除
  5. 據了解黃大仙中心「貼心送」服務,在黃大仙中心北館早前完成翻新重開後已經終止。該服務運作期間,不限消費金額,每天由早上八時至晚上八時,為長者及有需要人士,運送餸菜或小型物品來往黃大仙中心南館(時稱黃大仙中心)及黃大仙中心北館(時稱龍翔廣場), 我估計開頭可考慮在天耀設一個發放點,將天盛收集到需幫忙的物件都記存於此待取,可解決不同地區需求,但相信只是初期過渡時期的安排

    回覆刪除
    回覆
    1. O2估計流程如下:
      某長者在天盛街市買完餸,在天盛要求領展駐場阿姑幫手推購物車(當然係載住該長者的戰利品啦)去天耀,該長者會沿途跟住領展阿姑,這就是「貼心送」的「貼」字的意思。
      重申:此免費服務不限消費金額

      刪除
  6. 只係初期先有貼心送?
    但長者日後都要走上走落, 或者行多10分鐘先可以買餸? 領展唔係虐待老人係乜?

    回覆刪除
    回覆
    1. 黃大仙中心分南館和北館,貼心送係由南館的百佳超市送去北館,後來北館的百佳超市重開,領展才終止貼心送服務

      刪除
    2. O2敢寫包單,只要天盛往天耀的貼心送服務仍然有需求的話,該服務一定會繼續,其實真係唔使得幾多錢,如果領展在有需求的情況下而取消該服務,O2向你保證,我會怒沽一手823向你謝罪

      刪除
    3. 最後領展無推行貼心送,經查詢後亦都唔會有
      請沽一手823 @@

      刪除
    4. 1.OK,信你,無謂拗,沽一手吧 ^^
      2.順便問,天盛G樓開齊未呢?

      刪除
    5. O2,無設時限呀,派左息先啦,6月中至尾好D

      刪除
    6. 係呀,當然不設時限,睇市況沽 ^^

      刪除
    7. G/F未開晒... 食通宵部份舖頭裝修緊

      刪除
  7. 如果行10分鐘買餸係虐待老人,咁樣全香港好多地方都有問題
    我屋企離太和10分鐘,同屋苑的長者每天也是步行往太和買餸,我沒有聴到他們說過一句街市遠。

    回覆刪除
    回覆
    1. 原先唔使行多10分鐘, 而家變做永久行多10分鐘
      天耀街市22年前開邨已經有咁滯, 無病無痛做咩要執咗佢?

      如果你話人流少咗, 需求減少, 都話情有可原...
      而家無綠無故由話資源重疊, 又話想提升質素... 結果,, 要人行多10分鐘, 就係提升質素
      係, 逼人行多D 路, 健康D

      刪除
    2. 我重覆原因,這就是私營運作 :
      决策者作市場調查→方案是否商業上可行→如是就快速實行
      即是說估計得到消費者支持,如消費者反對,生意將下降,天盛街市倒閉,投資者自招損失承擔後果,市場是很公平的,就由市場告訴我們對與錯吧 !

      刪除
  8. 住大埔就唔好咁多嗲啦 google人 係冇計燈位時間嫁好唔好 你知唔知天耀過天盛個十字路燈位由岩岩紅燈轉綠燈要幾耐 唔知就自己黎一次睇下 天橋條樓梯峽窄 部升降機得一部 有冇計到多人用既話要等幾耐升降機,重點都唔係呢到,佢呢次咁搞法 物價一定仲高左 行又行多次買野仲貴左 咁都話冇問題? 市場對錯? 哥哥唔好玩啦 讀屎片嫁? 就算唔支持 人地領匯大把錢吊鹽水 人地心諗 我執左天耀 你地咪唔好黎天盛買囉 反正仲有天盛邨既人買同商戶租仲有停車場收入 實死唔去,就算好多人反對 最後一定會去買 因為冇左天耀街市最近就係天盛 為左唔令自己再行遠啲唯有焗住買 簡單講 根本冇公平 而家係強姦

    回覆刪除
    回覆
    1. 我雖然人在大埔,但因我是領展單位持有人,所以我關注所有位於香港,上海以及北京的領展物業。
      領展物業遍及各地,我本人沒有辦法實地視察所有物業,實際運作就交給領展專業團隊管理,獨立監察就靠網友及傳媒了,我會透過網絡及個別就近物業實地視察。
      天盛街市開業後,我會到現場實試天耀過天盛時間。

      刪除
  9. 連實地考察都冇 仲好意思講分析 食啦你 我google
    地圖渣車過紅隧由銅鑼灣番屋企都話九個字左右呀 點知實際時間仲要耐呀 點解丫 塞車囉 燈位囉 邊有人會用google計時咁on9嫁 話十分鍾就一定行十分鍾?小學生先會信囉好唔好

    回覆刪除
    回覆
    1. 你太小看Google 了,當你規劃路線時,它會實時將收集當區的移動手機數據,並傳回Google,越多手機用戶在該區移動,預計行車時間越準,你在Google規劃路線上看到的紅,橙,藍色就是代表路線繁忙情況,所以Google 所顯示的預計行車時間,除運輸署專人CCTV目測外,唯一最中立可靠的估計工具。

      刪除
    2. 打破領展壟斷
      全力支持天水圍街坊爭取興建食環街市
      http://o2and00823.blogspot.hk/2015/12/blog-post_10.html

      刪除
    3. link仔, 出多D街啦
      有時地圖睇好近, 實際係行好遠架!

      我知你行去街市都遠, 問題係... 天盛裝修好關天耀咩事先? 天盛同天耀共存咗都十幾年... 人流無下跌都仲要關閉天耀街市喎! 我懷疑決定關閉天耀街市果個人都只係識睇地圖, 無實地視察

      刪除
  10. 我元旦會去巡視業務,體驗吓街市人山人海滋味,同行下天耀天盛D路計下時間^_^

    回覆刪除
    回覆
    1. 遠唔遠不是重點,甚麼虐老呀,亦是砌詞,佢地係著眼於〈原本有嘅野變成冇〉

      刪除
    2. 我明白這心情,有時樓下間糖水舖搬左都會唔開心,但冇辦法架,這就是商業社會。
      由於沒有調查就沒有發言權,所以我都係要假期親身去一次天盛,調查一下。

      刪除
    3. 無辦法? 領展叫停關閉天耀街市就可以!
      天耀街市人流減少嗎? 邊個渣住支槍叫領展關閉天耀街市?

      刪除
  11. 天盛街市今日開咗,入面有檔賣蟹成$2000隻
    犠牲天耀街市, 成全高檔天盛街市....就係被逼天水圍南0既生活檔次, 被逼高級化.中產化

    領展咁想賺錢, 就更加應該保留天耀街市
    天盛做中高級路線, 天耀做cheap cheap 路線, 咁就兩邊賺晒
    cheap人又唔會買$2000蟹, 高級人仕又唔會走嚟聞魚腥未, 實在係win win

    回覆刪除
    回覆
    1. 你的說話太片面,已經領教過了,只講出事實的一小部分,好難令人信服,難道除了$2000一隻的蟹之外,全個街市沒其他貨品出售嗎?

      刪除
    2. 有有有, $198 2kg 阿根延刺生級天使紅蝦
      $360 日式吉品鮑魚
      $598 美國黃金螺頭 (3.5磅)

      熊本一口和牛, 鹿兒島A3和牛, $100-$260

      如果關閉天耀街市, 就係成全天盛高檔街市, 領展提升天水圍居民既「生活質素」就實在功不可沒!

      刪除
    3. 都話你講D唔講D啦,今日去睇過喇,原來除咗鳕場蟹、和牛、鮑魚之外,仲有一般街市都買到的家常便飯鮮魚、牛肉、豬肉、豆腐、蔬菜、生果,任君選擇

      天盛街市 @2015-12-17
      http://o2and00823.blogspot.hk/2015/12/2015-12-17.html

      刪除
  12. 貼心送沒有, 天耀街市「乾貨」變成商場

    堂堂上市公司竟然講大話

    回覆刪除
    回覆
    1. 其實貼心送係咪某領展fans諗出嚟架?領展有冇公佈過會響天耀推行貼心送呢

      刪除
    2. 領展昨宣布有逾20年歷史的天水圍天耀街市,將取消濕貨區,但會為區內長者提供免費送餸服務,由天盛街市送到天耀商場,檢討後更可能全面關閉天耀街市。

      http://topick.hket.com/article/876476/%E5%A4%A9%E8%80%80%E8%A1%97%E5%B8%82%E6%92%A4%E6%BF%95%E8%B2%A8%20%20%E5%A2%9E%E9%95%B7%E8%80%85%E9%80%81%E9%A4%B8%E6%9C%8D%E5%8B%99

      刪除