2017年1月10日 星期二

平租養懶人

講得正中小店膠要害,指出平租絕對養懶人,17:33開始聽。
Remark :
(1)有粗口不喜勿入
(2)主持人錯解政府持有領展

平租絕對養懶人 〈升旗易得道〉2017-01-10 c 謎米香港

22 則留言:

  1. 回覆
    1. 主持人話,當租客平租租左10幾20年後,有日比業主加到接近市值租,無良的是租客,不是業主,因租客搵業主老襯10幾20年!

      刪除
    2. 主持人所講的「愛國商戶」,應該是指柴灣環翠商場的連記表行了
      連記最近爆紅,有關該商戶的資訊,O2可以分享下

      刪除
    3. 1979年(即38年前)環翠商場落成,G/F的舖位月租1千大元,房署優待連記,毋須入標,連記一口氣租了2個舖位,即是共$2K。「小店膠」可以問番老豆老母,當期時一個月的人工是多少,以作比較。

      八十年代,地鐵港島線通車,環翠商場擴建,連記優先揀舖,搬上1/F現址,此舖位對正扶手電梯,出面是連接港鐵站的行人天橋,人流有保證。

      2012年,TreeGun帶住連生會見傳媒,當時透露的月租是$8.1K,營業額超過10萬才需要分成10%。2012年,小店膠們已出世,這時候的月薪又是多少呢?

      別忘記,連記現時的舖位對正扶手電梯,出面就是通往港鐵站的天橋啊!

      房署2005年尾賣商場,領展接手11年了,起碼已過了3個租約週期,如果領展真的要「賺到盡」,真的是小店膠講得咁無良、咁無恥,這位愛國商戶能夠留到今天嗎?

      刪除
    4. 連記著數咗咁多年,1979-2005年搵納稅人老襯,2005-2017年搵領展老襯,仲未搵夠嗎?

      刪除
    5. 關於連記,有幾點要講:
      1. 無論房署同領展都對佢不薄,能夠租一物業接近40年,作為租客能說業主無良嗎?
      2. 正如O2說,連記如果每月有10萬蚊生意,呢D係開心錢,有咁好生意,誰會介意分成呢?
      3. 老實講連記果幾拾萬係舊貨舊款,正常根本冇人買,宜家有人同你買,你係唔係要多謝領展,比機會你清貨退休呢,冇理由70歲都仲霸住個位,中共委員會都要按在位年期輪替啦
      4. 我唔係幫民建聯講話,你租個舖做生意同你支持邊個政黨應該係無關係,無論你撑長毛,肥佬黎或treegun,結果都會係一樣,冇得續租,完全係因為你個生意不能與時並進,係out呀,明唔明呀?

      刪除
    6. 錯在政府一股不留和估值太低,出售資產給單一公司,大市場小政府做成壟斷。

      刪除
    7. 以上觀點,盧少蘭在2005年也提出過,盧婆婆與房委會打官司,打到上終審法院,最終房委會贏了官司,因為房委員承諾了一系列的補償方案,翻查當年的報導:
      『房委會代表、英國御用大律師 James Goudie 陳詞時提出了一系列方案以排解公屋居民的疑慮,例如若居民擔心領匯上市後,領匯旗下商場不能提供居民所需的物品,房委會可安排免費的交通工具接載居民到别處購物。此外,房委會可要求政府重新在社區附近撥地興建商場,或把目前公屋的低層住宅改建成商店等。』

      現在是2017年了,房委會並沒有兌現當年在終審庭的承諾,而坊間只顧怪責領展,卻不去向製造領展出來的罪魁禍首追數,畀房委會靜雞雞過骨,焦點錯晒囉

      刪除
    8. 其實除天水圍及東涌外,其他區唔見有壟斷情況呀

      刪除
    9. 黃大仙何來壟斷呢?食環大城街街市幾乎係黃大仙區街市中心,應該話大成街市壟斷就真

      刪除
    10. 觀塘廣場夠近地鐵站啦, 佢有無領展咁無良? 有無好似整到APM咁?
      無呀! 好多小店文具舖都可以生存到喎! 佢哋係咪又係無良檔主呀?

      刪除
    11. O2, 邊個叫領賤可以連公共屋邨既地方都要話事先
      屋邨整D 乜, 領賤唔應該插手, 有權有得要用到儘?

      刪除
    12. 馮志豪先生,O2同意閣下所說領展是「有權」,但不認同你話「用盡」,閣下是天水圍天耀邨內其中一個住宅單位的「住客」(估你不是「戶主」身份),你都可以阿支阿左,咁領展以業主身份,行使公契及地契條文內所賦予之權益,好正常啫

      刪除
    13. 應該說領展街市天水圍及東涌有壟斷現象,但這是天生的,另外商場在香港不可能壟斷,因太多了,你只可說領展在部分地區有地域優勢,但不能說是壟斷

      刪除
  2. 少有的正面報導,尤其是街市有返d人情味,good【街市DJ】大學生少女棄靚衫 揸咪入街市做「市場推廣」
    http://s.nextmedia.com/realtime/a.php?i=20170112&s=10829392&a=56159999

    回覆刪除
    回覆
    1. 呢個Kimmy妹妹令我想起大學生揸九巴,果個哥哥只係實現自己夢想,最後都係入九巴寫字樓做admin,所以小妺妹畢業肯去做C9工,係好難得,算係一個訓練,將來做管理就有實戰經驗了
      蘋果前世好似同領展有仇,奇怪可以有呢種報導

      刪除
  3. 其實除天水圍及東涌外,其他區唔見有壟斷情況呀??
    近20年落成新市鎮全都是壟斷

    回覆刪除