2016年7月26日 星期二

Pokemon 商場吸客

如果考慮引入精靈,希望領展的風險管理小組要研究一下相關意外責任。

=========
教你用Pokemon Go道具提升人流 $4.6吸客30分鐘
2016/07/25  經濟一週
其實係外國,Pokemon GO熱潮已經十分火熱,更加有商戶利用道具,成功提升人流。美國一家薄餅店便成功用10美元,成功吸引玩家到訪捕捉小精靈,最後令餐廳營業額提升75%,係咪好心動呢?依家香港零售業個個都叫救命,或者可以用呢招,發下精靈財。究竟商戶要點做先可以提升人流呢?小編今次就一一話你知。
「引誘模組」提升精靈出現率
方法好簡單,其實就係利用Pokemon GO內的「引誘模組」(Lure Module)道具。用這個道具可提升該地方的精靈的出現率,只要在該地點的人都可以捕捉有關精靈,且出現的精靈亦較為罕有,時間長達30分鐘之久,如此便可吸引其他人前來捉精靈。
用這道具,每次需要用100個金幣(POKECOINS),一次過買8個「引誘模組」,成本則低至680POKECOIN,即是每個需約85個POKECOIN。
而目前買100個POKECOINS是港幣8元,每個是0.08元,大量購買下,788元可購買14,500個,即每個POKECOIN低至0.054港元。換言之,一個「引誘模組」成本可低至4.6元。利用4.6元便可有30分鐘吸引人流,如果一間餐廳由上午11點營業至下午11點,用足12個鐘道具,成本也只是110.4元,一個月30日就是3,312元,如此成本比在電視廣告、雜誌賣廣告更划算。
而且是切切實實吸引人流來你的店鋪,反而在電視、雜誌、甚至是facebook等社交媒體落廣告,只能保證消費者看見,不能保證他們必定會親身到你的店鋪,所以橫睇掂睇,這個「引誘模組」道具對商家來說,是存在很大吸引力。

=========
《Pokemon GO》熱潮 領展:會密切留意熱潮研推廣可行性
<匯港通訊> 《Pokemon GO》開發商 Niantic 提出「贊助地點」商業模式,可與商戶合作,在旗下商場引入「捉精靈」概念,借機帶旺商場人流。本通訊社向領展房產基金(00823)查詢,問及會否在旗下商場採用上述方法,刺激人流。

領展回覆指,會密切留意熱潮,根據市場反應,研究推出相關的市場推廣活動的可行性,考慮以不同受歡迎的動畫角色作推廣活動的主題,為顧客提供更佳的購物體驗。

領展稱,不論任何活動,均以場地使用者的安全為大前提,因此,舉辦活動前,均會與各合作單位研究活動安排細節,確保場地使用者的安全。
=========





「寵物小精靈」玩家頻生意外 
2016年7月14日
【星島日報】手機遊戲「Pokemon GO」近期橫掃澳洲、紐西蘭和美國,許多青少年和成年人都玩到瘋狂,進入忘我境界,甚至引發意外。美國賓夕凡尼亞15歲中學女生奧特姆(Autumn Diesroth)本周二下午一邊過馬路一邊低頭玩遊戲,結果被車撞倒受傷,要入院治療。她的母親大聲疾呼,提醒其他家長不要讓孩子玩這款遊戲,以免釀成悲劇。
  「Pokemon GO」配合手機的全球定位系統,玩家要在現實環境中「捕捉」寵物小精靈。玩家很容易過份投入,忽略身邊可能出現危險。
  在紐約,也有一名成年男子一邊駕車一邊玩這款遊戲,因為要忙著「捕捉」 寵物小精靈,汽車失控撞樹,全車毀爛,幸好他沒有受傷。
  一些公眾場所已經採取新措施,禁止任何人玩手機遊戲。在阿拉斯加州安克雷奇市,國家氣象局在入口處豎立告示牌,上面印有比卡超的卡通圖像,清楚寫明任何人進入該處範圍內玩「Pokemon GO」,都會被視作非法。

17 則留言:

  1. 係呀,要小心衡量風險,否則帶來的生意都補唔番條數

    回覆刪除
  2. Pokémon GO熱潮直捲香港,新地(00016)旗下觀塘商場apm更是精靈出沒最多的地方,多至鄰近觀塘消防局,其中該商場也是PokeStop據點。商場於今晚7時安排一團100名升級玩家藍隊首次組團到訪集體捉精靈。

    為方便訓練員捕獲精靈,apm會在Facebook不斷更新精靈出沒情況及地點,讓一眾訓練員可於任何時候找出精靈。另商場亦有溫馨提示定期更新天氣情況,令訓練員玩得開心及安全。同時,商場保安人員亦充當貼心大使,時刻向精靈訓練員溫馨提示在捕獲精靈時要注要安全,而apm亦會不停在大電視播放精靈訓練員健康貼士,安全至上,為配合Pokémon熱潮,apm將與餐廳及商戶繼續洽談連串推廣活動。

    此外,apm亦即時在商場內裝置超級法寶洛櫻(Lure Module),隨時讓玩家蒞臨商場尋找PokeStop花瓣捉精靈,有關於網絡流傳,apm會在下午3時至晚上10時期間有多個精靈出沒的消息,有AR玩家團體來電詢問apm精靈出沒情況。商場於今晚7時安排一團100名升級玩家藍隊首次組團到訪集體捉精靈。

    回覆刪除
  3. 《Pokémon GO》引爆全城熱捉小精靈,問到置富產業信託主席(00778)趙國雄會唔會為旗下商場引入《Pokémon GO》合作,佢直言就話唔會同《Pokémon GO》合作:「商場最緊要係有人消費,之前我哋都有研究過;同佢合作係會增加人流,但係人多咗唔買嘢就會阻住做生意,商場最忌就係客人唔買嘢阻住其他人。」

    趙國雄話,而且就算唔合作,啲人咪又係入嚟商場捉!佢仲話:「尋日喺尖沙咀地鐵站好忟!前面有班人慢慢行喺度捉精靈,我又趕時間,想過佢頭之際,佢突然停咗喺度,搞到差啲撞到我!」

    所以,合作就唔會喇,而且,可能仲考慮整番個告示牌,叫人捉精靈都要小心啲!

    回覆刪除
  4. 我鐘意樓神呢句:商場最忌就係客人唔買嘢阻住其他人
    仲有玩Pokemon D人係會好似上左身,突然停,突然轉左,突然轉右,如果系扶手電梯就好危險。

    回覆刪除
    回覆
    1. 作者已經移除這則留言。

      刪除
    2. 商場唔係領展既, 商場係公共空間,
      人哋唔買嘢又得罪領展?

      十年前都有人喺商場玩數碼暴龍啦... 你知唔知咩叫做社區?

      刪除
    3. 正正常常企係度玩OK,但發羊吊式玩就唔好了

      刪除
    4. 又撈亂使用權同擁有權

      刪除
    5. 社區係屬於居民, 領展只不過係過客
      最有話事權係使用者

      刪除
    6. 個社區領展都有份,領展是天耀廣場的業主,房委會是天耀邨公屋單位的業主,而閣下只是眾多住宅單位的住客之一,如果你屋企的冷氣機滴水、掛地拖出窗口、隨地丢垃圾.....諸如此類,扣滿分房署就可以踢你全家走,收回公屋單位,你根本沒有公屋單位的擁有權,根據扣分制,房署趕你走就要走,咁唔知邊個至係過客呢 XD

      刪除
    7. 仲有呀,閣下搬走時唔好以為拍下籮柚就走得,你要自費還原該單位畀房署架

      刪除
    8. O2你做乜嚇人呀,房署趕人走係好難架,如果夠窮,可以玩司法覆核呀

      刪除
    9. O2只係依照房署的規矩依書直說啫,人地巴閉到玩司法覆核係另一issue
      可惜吖,可惜天耀邨又唔係「租置公屋」,如果可以買斷,自己做業主,咪可以「自己單位自己話事」囉,使乜畀房署約束,鍾意點掛個地拖都得,使乜理甚麼扣分制喎

      刪除
    10. 我都係過客,但一個社區嘅主角就係每位居民本身

      領展只係佔社區好小部份,王國龍並唔係天耀居民。領展講嘅說話,不應凌駕居民意願。

      刪除
  5. 領展(00823)旗下44個商場「撒櫻花」吸引 Poke 訓練員捉精靈
    11:36
    Infocast 風靡全球的手機遊戲《Pokemon Go》在港熱潮持續,領展亦食住這般熱潮,出招吸引人流。旗下44個遍布港、九、新界的商場,由即日起至8月26日,每日下午2時至6時會使用 Lure Module,在商場熱點「撒櫻花」,吸引稀有小精靈現身。

    領展指,上述商場不但櫻花處處,當中16個商場,包括樂富廣場、黃大仙中心、赤柱廣場、H.A.N.D.S 等亦提供免費無線上網(LINKwifi)服務,讓訓練員盡情捕捉精靈。

    Wi-Fi 熱點由 1G 光纖支援,顧客可享每日30分鐘免費 Wi-Fi 服務,登記成為「泊食易」手機程式用戶更可享60分鐘免費服務。另外,多個領展商場亦設有手機充電站,費用全免,為各精靈訓練員全力「加油」。

    顧客即日起至8月31日於7個指定領展商場,出示小精靈與「美食單車遊」Link the Bike Logo 的合照,換領禮品所需消費額可減100元,即消費滿300元可換領防曬手套,消費滿700元換領輕便運動束繩袋!數量有限,換完即止。

    回覆刪除
    回覆
    1. 餐廳扔本買(Lure Module)但仍無人流
      Pokemon Go 熱潮下,好多餐廳利用「引誘模組」(Lure Module)去吸客,同大家計下條數先~
      「100個POKECOINS是港幣8元,每個是0.08元,大量購買下,788元可購買14,500個」
      聽落好似好好橋,但某餐廳係城中藝人開,從來唔去睇檔。結果成班廚房水吧掛住捉Pokemon,出貨極慢,結果係網上負評如潮~
      呢個飲食業界既笑話教訓各位想做餐廳既準老闆,做得飲食業起初一定要落場監工,否則一定蛇王。
      https://www.facebook.com/hkofficepolitics/photos/a.1641750179443209.1073741828.1641748232776737/1763903360561223/?type=3

      刪除