2015年12月20日 星期日

三個去街市的婆婆

多謝中文大學《大學線》的認真專題製作,但我有小小補充。
讓我們看看三個去街市的婆婆 :




沙田新田圍 :
街市檔攤縮減主因是新田圍住戶老化,全邨大部份是長者,街市根本沒有新客人,與領展無關,其實新田圍婆婆原本不需要往大圍,她是有就近選擇的,可步行至鄰近的秦石邨一樣有街市,但婆婆往大圍是想有更多選擇。

樂富 :
這位真是幸福婆婆。很多中產屋苑長者都沒有樓下街市。樂富婆婆説出一段説話很值得所有長者學習:「活到今年已經是80歲了,如果我再為金錢來煩惱,樣樣都要節省,那我這輩子有好多東西都經歷不到。」
很多長者都為了一二元,就放棄做一些值得做的事,其實她們所節省的都不可能隨她往生,吃得到用得到的才是永恆。

天水圍天慈 :
天慈婆婆如果身體不適,其實婆婆天慈樓下的惠康超市一樣有鮮魚,鮮肉,雞及鮮菜。
如果一定要到天耀或天盛其實可坐2個站輕鐵就到,有沒有人教她呢? 千萬不要為了小小交通費弄壞身體呀,聽聽樂富婆婆做一番話吧,用到吃到才是自己的。
我昨天實試乘坐輕鐵天慈往返天耀了,輕輕鬆鬆。

乘車輕鬆


天慈往返天耀只是2個站

輕鐵站緊貼天慈

天慈惠康有齊鮮菜魚肉鷄
===============
MM多媒體專題(2015-12)
有價有市
2015 年 12 月 16 日 19:55:14 UBEAT TA
香港中文大學《大學線》U-Beat Magazine, CUHK
製作:翟偉豪 鄭影映 何詠雯 陳可童

落街買餸,真的是「落街」這麼簡單?有人步行五分鐘就能買到; 有人就要用一整個早上乘車落山; 有人甚至要來回步行一小時才能買到。

有苦無路訴,皆因只有領展才有「話事權」。

領展管有全港約九十個街市,升值潛力高的街市,領展會落力發展;
回報率低的街市,未來可能要關閉。

究竟是否有發展價值的地區,居民才值得擁有街市呢?

27 則留言:

  1. 亞婆,行得多,身體好,思考如何最短時間到街市,又可防止腦退化.

    回覆刪除
  2. 你咁講都得?阿婆搭車錢邊個俾?
    無緣無故點解要搭輕鐵?輕鐵亦不是到天盛徍母市。為何要領展賺錢,就要剝奪長者利益?

    領展是否會資助長者搭車?

    回覆刪除
    回覆
    1. 政府提供長者乘車優惠,就係鼓勵長者搭車四圍去

      刪除
    2. 建議天慈婆婆聽聽樂富婆婆一番話,80歲了,還為金錢煩惱值得嗎?為了2蚊,要睇醫生值得嗎?

      刪除
    3. 有D阿婆執紙皮, 廢物回收, 都係想賺下雞碎錢, $2唔係錢?
      站喺居民利益, 保留返天耀街市皆大歡喜喎... 只係領展股東可能賺少咗啦

      天耀街市同天盛街市共存咁多年都無咩問題...
      喺保留天耀街市既情況下, 有天盛街市多咗貴價嘢買, 相信都係選擇多咗

      我都係勸領展管理層唔好閉門造居, 多D 落區聽下街坊意見
      黃大仙街市又話要拆啦, 究竟領展係咪同香港買餸既人作對?

      刪除
    4. 多年共處冇問題唔代表係理所當然.
      香港同中國97前都係共處半個世紀, 都係冇問題啦. 好多香港人都覺得收返香港冇問過佢地意見啦. 不如 Chi Ho 幫香港人去中聯辦投訴啦.
      唔好吓吓欺善怕惡, 針對領匯呢D企業啦.

      刪除
  3. CHI HO, 唔好離題,焦點講返天耀街市。我記得你是反對領展裝修商場和街市,但現在你竟然要求領展裝修天耀街市,原因是什麼?

    回覆刪除
    回覆
    1. 我只係反對豪裝, 增加無障礙設施, 改善排污我係唔反對
      但裝修後, 就應該保留返原有街市特色, 例如照蛋既紅燈籠等等, 而家天盛街市都無咗, 你叫人點揀雞蛋?

      刪除
    2. 天瑞街市算不算豪裝?「改善排污」是什麼意思?

      刪除
    3. 天瑞街市本身就有冷氣, 根本不需要裝修

      天耀街市而家濕立立我知既.. 如果領展裝修係改善排水問題, 裝修完照有濕貨賣, 價格同而家一樣, 租金唔加 我係唔反對的

      刪除
    4. 裝修可以, 但係租唔加得. 咁錢從何來?
      有既, 咪用領匯股東錢咯.

      刪除
    5. chi ho , 枉你仲話自己住天水圍,大部份公公婆婆都是出去元朗買餸。例如元朗只要50元,天水圍要55元,他們都會去元朗買。你認同嗎?

      刪除
    6. 裝修就等同要加租? 用返平時收開既租俾裝修費囉

      benny, 就係天水圍得領展 租金貴轉嫁俾消費者, 佢哋先要落元朗買...
      如果領展肯收平D租, 令到價格平D,多D選擇 公公婆婆都會去返天水圍既街市

      就係天水圍乜都無選擇少又貴, 先要落屯門元朗買餸

      刪除
    7. chi ho 由九十年代開始,天耀天瑞嘉湖D人大多都是乘輕鐵出元朗買餸,你唔好講大話

      刪除
    8. CHI HO 我婆婆叫你唔好迴避問題,再問多你一次,你同意在房署年代,天瑞天耀租金平,但貨品售價一D都唔平,所以村民寧願花一小時時間搭車,俾埋車錢都平過係天水圍買餸。即租金超平,但售價貴,你同意嗎?

      刪除
  4. 每日$2 X 2 既價錢, 一個月都已經$120
    如果保留天耀街市, 呢位婆婆係唔使俾$120... 仲有, 輕鐵唔一定有位坐, 早上繁忙時間更加係好逼.. 要d長者咁辛苦, 我話領展虐老係無錯

    回覆刪除
    回覆
    1. 一個月$120 好貴? 已經有津貼啦wor.
      咁我呢D住天水圍, 日日坐1.5hrs車返中環, 每個月俾成$1500 交通費既打工仔咪慘絕人寰!?

      刪除
    2. 我想婆婆不會在上班高峰時間去同人逼車,退休人士大把時間呀

      刪除
    3. 佢講來講去都係唔想「原本有嘅變成冇亅,你估佢真係咁關心天慈邨班婆婆咩

      刪除
  5. $120對一D長者嚟講的確係好貴, 你可以多D探訪長者.. 因為長者未必有好似咁多收入
    link仔, 咁即係關閉天耀街市限制咗長者既活動時間?
    grassroots, 我就一定知領展唔關心長者.. 同埋何而見得我唔關心長者?

    回覆刪除
    回覆
    1. 我睇唔出你有幾關心長者喎,只係見到你為自己的個人訴求,搵D長者做籌碼咋

      刪除
    2. 你知唔知, 有D長者 俾仔女遺棄,只係靠生活津貼同生果金個戶...住既只係細過一百呎既一人單位。對佢哋嚟講, 行去天耀已經好費力, 而家仲要行多20分鐘路

      我又2004年開始反對領匯上市///我既拆求, 只係領匯/展唔好不斷無理翻新商場同關閉街市, 想做中產生意唔係問題, 只係同時要照顧基層市民...
      $20一個飯盒對好多人好緊要...而時代進步並唔代表市民一定俾得起咁多錢

      冬菇亭,街市, 文具店...其實並無因為時代進步而少人光顧, 佢哋既毀滅, 只係領匯/展一手造成

      刪除
    3. 政黨話天水圍街市租金貴,所以買D野特別貴,你認同嗎?

      刪除
    4. Chi Ho, 請提供具體數字,請問天慈+天耀,一共有幾多位長者被子女遺棄呢?

      刪除
  6. 灣仔大街一個麵包只係$3.5,內街更加係$2
    但天水圍領展商商一個咸餐包要賣$4-$4.5

    我相信是領展高租金所造成

    回覆刪除
    回覆
    1. 講認真,天水圍真係好需要一個食環街市來制衡領展

      刪除